By కార్తి హీరోగా రూపొందుతున్న భారీ యాక్షన్ థ్రిల్లర్ ‘సర్దార్ 2’ విడుదల తేదీని చిత్రబృందం అధికారికంగా ప్రకటించింది. పీఎస్ మిత్రన్ దర్శకత్వంలో తెరకెక్కుతున్న ఈ చిత్రం సెప్టెంబర్ 10న ప్రపంచవ్యాప్తంగా గ్రాండ్గా విడుదల కానుంది. ఈ సందర్భంగా విడుదల చేసిన పోస్టర్ అభిమానులను విశేషంగా ఆకట్టుకుంటోంది. అగ్నిపర్వతంలా ఎగిసిపడుతున్న పేలుడు నేపథ్యంలో, చేతిలో తుపాకీతో కార్తి నిలిచిన తీరు సినిమాపై అంచనాలను మరింత పెంచింది. పోస్టర్లో కనిపిస్తున్న ఇంటెన్స్ లుక్, యాక్షన్ ఎలిమెంట్స్ ప్రేక్షకుల్లో ఆసక్తిని రేకెత్తిస్తున్నాయి. ‘సర్దార్’ చిత్రానికి సీక్వెల్గా వస్తున్న ఈ సినిమాలో మాళవిక మోహన్, ఆషికా రంగనాథ్, రజిషా విజయన్ హీరోయిన్లుగా నటిస్తున్నారు. ఎస్ జె సూర్య కీలక పాత్రలో కనిపించనున్నారు. భారీ బడ్జెట్తో రూపొందుతున్న ఈ చిత్రానికి సామ్ సిఎస్ సంగీతం అందిస్తుండగా, జార్జ్ సి విలియమ్స్ సినిమాటోగ్రఫీ బాధ్యతలు నిర్వహిస్తున్నారు. ఇప్పటికే పోస్టర్కు మంచి స్పందన లభిస్తుండగా, సినిమా కోసం అభిమానులు ఆసక్తిగా ఎదురుచూస్తున్నారు.
