By ‘పుష్ప-2’తో బాక్సాఫీస్‌ రికార్డులన్నింటినీ తిరగ రాసిన అల్లు అర్జున్. త్రివిక్రమ్‌తో చేయబోయే ఆయన నెక్ట్స్‌ సినిమాపై అంచనాలు భారీస్థాయిలో ఉన్నాయి. ఈ ఏడాది మిడిల్‌లో ఈ సినిమా మొదలు కానున్నదని సినిమా నిర్మాత సూర్యదేవర నాగవంశీ ప్రకటించారు. ఈ సినిమా తర్వాత మరో సినిమాను కూడా ఓకే చేసే పనిలో ఉన్నారు అల్లు అర్జున్. ఇటీవలే దర్శకుడు కొరటాల శివ.. బన్నీని కలిసి ఓ కథ వినిపించారన్న సమాచారం ఉంది. త్రివిక్రమ్‌తో చేయబోయే సినిమా వచ్చే ఏడాది చివర్లో విడుదల కావచ్చు అంటున్నారు. ఇక కొరటాలకు ‘దేవర-2’ ఉండనే ఉంది. ఈ రెండు సినిమాలు పూర్తవ్వగానే ఈ నయా ప్రాజెక్ట్‌ పట్టాలెక్కుతుందని సమాచారం. మరి బన్నీ కోసం కొరటాల ఎలాంటి కథను తయారు చేశారో, ఈ సినిమా నిర్మించేదెవరో.. తదితర విషయాలు తెలియాలంటే కొన్ని నెలలు వెయిట్ చేయాల్సిందే.
