By హీరో విజయ్ దేవరకొండ సినిమాకు సంబంధించి ఒక సాలిడ్ న్యూస్ సోష‌ల్ మీడియాలో వైర‌ల్ అవుతోంది. రౌడీ హీరో విజయ్ దేవరకొండ, జెర్సీ ఫేమ్ గౌతమ్ తిన్ననూరి కాంబినేషన్‌లో ఓ సినిమా తెర‌కెక్కుతున్న విష‌యం తెలిసిందే. ‘వీడీ12’ అనే వర్కింగ్‌ టైటిల్‌తో ఈ సినిమా వస్తుండగా విజయ్ దేవరకొండ కెరీర్‌లోనే అత్యంత భారీ బడ్జెట్‌తో ఈ సినిమా తెరకెక్కుతోంది. మూడు బ్యానర్లు సంయుక్తంగా తెరకెక్కిస్తుండగా.. అనిరుధ్‌ రవిచందర్‌ సంగీతం సమకూరుస్తున్నాడు. ఈ సినిమా టైటిల్‌కి సంబంధించి నిర్మాత నాగవంశీ నేడు ఒక పోస్ట్ పెట్టాడు. వీడీ 12 టైటిల్ త్వరలోనే వెల్లడిస్తామని నాగవంశీ ట్వీట్ చేశాడు. ఈ సినిమాకు సామ్రాజ్యం అనే టైటిల్ ఖరారు చేసిన‌ట్లు తెలుస్తోంది. తన సామ్రాజ్యం కోసం విజయ్ ఏం చేశాడు..? అనే స్టోరీతో ఈ సినిమా రాబోతున్న‌ట్లు తెలుస్తోంది. ఈ సినిమాలో పోలీస్‌ పాత్రతో పాటు ఖైదీగా విజయ్ నటిస్తున్నాడని ఒక రూమర్ ఉంది, ఎంతవరకు నిజమో.
