తెలుగు సినిమా ఇండస్ట్రీలో బెస్ట్ డైరెక్టర్లలో ఒకరు పూరీ జగన్నాథ్. తన కెరీర్లో ఎంతోమంది యాక్టర్లకు బ్రేక్ అందించాడని ప్రత్యేకించి చెప్పక్కరలేదు. పూరీ హీరో ప్రభాస్తో మరోసారి పనిచేయబోతున్నాడన్న క్రేజీ అప్డేట్ ఇండస్ట్రీ సర్కిల్లో హల్ చల్ చేస్తోంది. తాజాగా డాషింగ్ డైరెక్టర్కు సంబంధించిన వార్త ఒకటి నెట్టింట చక్కర్లు కొడుతోంది. ఈ ఇద్దరు ఏం సినిమా చేస్తున్నారనే కదా మీకొచ్చిన డౌటు. స్పిరిట్ సినిమా. ఈ సినిమాకు పూరీ డైలాగ్స్ రాస్తున్నాడని వినికిడి. కాప్ డ్రామా నేపథ్యంలో వచ్చిన పోకిరి, టెంపర్ డైలాగ్స్ బాక్సాఫీస్ను ఏ స్థాయిలో షేక్ చేశాయో మీకు తెలిసిందే. మళ్లీ ఇదే జోనర్లో రాబోతున్న స్పిరిట్ సినిమా కోసం డైలాగ్స్ రాసే విషయమై డైరెక్టర్ సందీప్ రెడ్డి వంగా ఇటీవలే పూరీని సంప్రదించగా.. గ్రీన్ సిగ్నల్ ఇచ్చాడని ఫిలింనగర్ సర్కిల్ ఇన్సైడ్ టాక్. ఇప్పటికే ప్రభాస్-పూరీ కాంబోలో వచ్చిన ఏక్ నిరంజన్, బుజ్జిగాడు సినిమాల్లోని డైలాగ్స్ ఎంత పాపులర్ అయ్యాయో తెలిసిందే. ఈ ఇద్దరి కాంబోలో వచ్చే డైలాగ్స్ ఎలా ఉండబోతున్నాయన్నది ప్రస్తుతానికి సస్పెన్స్గానే ఉంది.

- November 12, 2024
0
30
Less than a minute
Tags:
You can share this post!
administrator