By హీరో అల్లు అర్జున్ నేడు త‌న 43వ పుట్టిన‌రోజును జ‌రుపుకుంటున్నాడు. ఈ క్రమంలోనే ఆయ‌న‌కు అభిమానుల‌తో పాటు సినీ ప్ర‌ముఖులు బ‌ర్త్‌డే విషెస్ తెలుపుతున్నారు. తాజాగా హీరో జూ.ఎన్టీఆర్ కూడా అల్లు అర్జున్‌కి పుట్టిన‌రోజు శుభాకాంక్షలు తెలిపాడు. ఈ సంద‌ర్భంగా బావ అంటూ ప్రత్యేక పోస్ట్ పెట్టాడు. జన్మదిన శుభాకాంక్షలు అల్లు అర్జున్ బావ. ఈ ఏడాది నీకు మరింత శక్తి, ప్రేమ‌తో పాటు మరిన్ని విజయాలు తీసుకురావాలని కోరుకుంటున్నానంటూ జూ.ఎన్టీఆర్ రాసుకొచ్చాడు. దీనిపై స్పందించిన అల్లు అర్జున్.. బావ.. నీ అందమైన శుభాకాంక్షలకు చాలా ధన్యవాదాలు. నీకు మరింత ప్రేమ, శక్తి కలగాలని కోరుకుంటున్నానంటూ బ‌న్నీ రాసుకొచ్చాడు.
