బాలీవుడ్ నటి శిల్పా శెట్టి భర్త, వ్యాపారవేత్త రాజ్ కుంద్రా నివాసాల్లో ఈడీ అధికారులు సోదాలు చేపట్టారు. అశ్లీల వీడియోలు తీసిన కేసులో మనీలాండరింగ్కు సంబంధించి ఈ సోదాలు జరుగుతున్నట్లు తెలిసింది. రాజ్ కుంద్రా నివాసంతోపాటు ఆఫీసుల్లోనూ ఈడీ తనిఖీలు చేపడుతోంది. సన్నిహితుల ఇళ్లలోనూ సోదాలు నిర్వహిస్తున్నట్లు ఈడీ అధికారులు తెలిపారు. ముంబై పోలీసు శాఖకు చెందిన ప్రాపర్టీ సెల్.. పోర్న్ వీడియోలు చేస్తున్న ఓ ముఠాను పట్టుకోగా అప్పట్లో ఈ వ్యవహారం బయటపడింది. ఓటీటీ ఫ్లాట్ఫామ్ల కోసం షార్ట్ ఫిల్మ్స్ చేస్తున్నామన్న నెపంతో వాళ్లు అశ్లీల వీడియోలు తీస్తున్నట్లు గుర్తించారు. భారతీయ చట్టాల నుండి తప్పించుకునేందుకు ఆ అశ్లీల చిత్రాలను అక్కడి యాప్స్లో అప్లోడ్ చేస్తారు. ఈ కేసును విచారిస్తున్న క్రైం బ్రాంచ్ పోలీసులకు ఈ విషయాలు తెలిశాయి. ఈ వ్యవహారంలో ఉమేశ్ కామత్ అనే వ్యక్తిని క్రైం బ్రాంచ్ పోలీసులు అరెస్టు చేశారు. అతను రాజ్కుంద్రా వద్ద పనిచేసేవాడు. ఉమేశ్ కామత్ను అరెస్టు చేసిన తర్వాతే.. ఆ పోర్న్ రాకెట్లో కుంద్రా పాత్ర ఉన్నట్లు తేలింది.

- November 29, 2024
0
43
Less than a minute
You can share this post!
editor