By హీరో బాలకృష్ణ ప్రస్తుతం ‘అఖండ – తాండవం’ షూటింగ్‌లో బిజీగా ఉన్న విషయం తెలిసిందే. బ్లాక్‌బస్టర్‌ ‘అఖండ’కు ఇది సీక్వెల్‌. ప్రస్తుతం షూటింగ్‌ శరవేగంగా జరగుతోంది. ఎట్టి పరిస్థితుల్లోనైనా దసరా కానుకగా సినిమాను విడుదల చేయాలనే దృఢ నిశ్చయంతో పనిచేస్తున్నారు. ఈ సినిమాకు సంబంధించిన తాజా సమాచారం ఒకటి వెలుగు చూసింది. ‘అఖండ’లో బాలయ్య డ్యూయెల్‌ రోల్‌ చేసిన విషయం తెలిసిందే. ఈ సీక్వెల్‌లోనూ అది కొనసాగుతుందట. అందుకే బోయపాటి ఓ ప్లాన్‌ ప్రకారం.. తొలుత అఘోరా పాత్రకు సంబంధించిన సన్నివేశాలన్నీ పూర్తిచేసే పనిలో ఉన్నారట. ఇక రెండో బాలకృష్ణ పాత్రకు సంబంధించిన షూట్‌ త్వరలోనే మొదలుకానున్నదట. జూన్‌ నాటికి మొత్తం టాకీని కంప్లీట్‌ చేస్తారని తెలుస్తోంది. తమన్‌ స్వరాలందిస్తున్న ఈ సినిమాని రామ్‌ ఆచంట, గోపీచంద్‌ ఆచంట నిర్మిస్తున్న విషయం ఇదివరలో మీకు తెలియజేశాం.
