By మలయాళ సినిమాలకు ఓటీటీలో రోజురోజుకూ ఆదరణ పెరుగుతోంది. విభిన్న కథాంశాలతో తెరకెక్కుతున్న ఈ సినిమాలు తెలుగు ప్రేక్షకులను కూడా ఆకట్టుకుంటున్నాయి. ఈ క్రమంలో మరో మలయాళ హిట్ మూవీ ‘చిన్న చిన్న ఆసై’ ఇప్పుడు ఓటీటీ ప్రేక్షకులకు అందుబాటులోకి వచ్చింది.
ఈ ఏడాది థియేటర్లలో విడుదలై మంచి విజయాన్ని అందుకున్న ‘చిన్న చిన్న ఆసై’ తాజాగా జియో హాట్స్టార్ వేదికగా స్ట్రీమింగ్ ప్రారంభించింది. ఈ సినిమా మలయాళంతో పాటు తెలుగు, తమిళం, కన్నడ, హిందీ భాషల్లో కూడా అందుబాటులో ఉంది.
ఈ సినిమాకి వర్ష వాసుదేవ్ దర్శకత్వం వహించగా.. ఇంద్రన్స్, మధుబాల, అపర్ణ బాలమురళి, జాఫర్ సాదిక్, విష్ణు అగస్త్య ప్రధాన పాత్రల్లో నటించారు. కుటుంబ భావోద్వేగాలు, వినోదాత్మక అంశాలతో తెరకెక్కిన ఈ సినిమా థియేటర్లలో ప్రేక్షకుల ప్రశంసలు అందుకుంది. మలయాళ సినిమాలను ఇష్టపడే ప్రేక్షకులకు ‘చిన్న చిన్న ఆసై’ మరో మంచి ఓటీటీ ఎంపికగా నిలుస్తుందని సినీ వర్గాలు భావిస్తున్నాయి.
