By కిరణ్ అబ్బవరం, శ్రీ గౌరి ప్రియా జంటగా రవి నంబూరి దర్శకత్వంలో తెరకెక్కిన ‘చెన్నై లవ్ స్టోరీ’ సినిమా ఈ శుక్రవారం ప్రేక్షకుల ముందుకు రానుంది. సాయి రాజేష్, ఎస్కేఎన్ సంయుక్తంగా నిర్మించిన ఈ సినిమా ప్రీ రిలీజ్ వేడుకకు మెగాస్టార్ చిరంజీవి ముఖ్య అతిథిగా హాజరై చిత్రబృందానికి శుభాకాంక్షలు తెలిపారు. వేదికపై మాట్లాడిన చిరంజీవి, ‘చెన్నై లవ్ స్టోరీ’ అనే టైటిల్ వినగానే తనకు చెన్నైలో గడిపిన రోజులు గుర్తొచ్చాయని అన్నారు. తనను అభిమానిస్తూ ఇండస్ట్రీలో ఎదిగిన వారిని ఆశీర్వదించడానికే ఈ కార్యక్రమానికి వచ్చానని చెప్పారు.
అభిమానులు జీవితంలో ఉన్నత స్థాయికి చేరుకోవడం తనకు ఎంతో సంతోషాన్ని కలిగిస్తుందని పేర్కొన్న చిరంజీవి, సాధారణ అభిమానిగా ప్రయాణం ప్రారంభించి నిర్మాతగా ఎదిగిన ఎస్కేఎన్ను అభినందించారు. అలాగే జాతీయ అవార్డులు అందుకుని ప్రత్యేక గుర్తింపు తెచ్చుకున్న సాయి రాజేష్ను ప్రశంసించారు.
హీరో కిరణ్ అబ్బవరం తక్కువ సమయంలోనే ప్రేక్షకుల ఆదరణ పొందాడని, ఈ సినిమాతో మరింత విజయాన్ని అందుకోవాలని ఆకాంక్షించారు. హీరోయిన్ శ్రీ గౌరి ప్రియా నటనతో పాటు సంగీత దర్శకుడు మణిశర్మ అందించిన సంగీతం సినిమాకు ప్రత్యేక ఆకర్షణగా నిలుస్తుందని చెప్పారు. కొత్త ప్రతిభను ప్రోత్సహిస్తున్న మైత్రీ మూవీ మేకర్స్కు కూడా చిరంజీవి అభినందనలు తెలిపారు.
