By యువ సామ్రాట్ నాగచైతన్య నటించిన సూపర్నేచురల్ థ్రిల్లర్ ‘దూత’ ఓటీటీ వేదికపై విశేష విజయాన్ని అందుకున్న సంగతి తెలిసిందే. ఇప్పుడు ఆ విజయవంతమైన సిరీస్కు సీక్వెల్గా ‘దూత 2’ అధికారికంగా ప్రారంభమైంది. ఈ ప్రతిష్టాత్మక ప్రాజెక్ట్ను నేడు సాంప్రదాయ పూజా కార్యక్రమాలతో ఘనంగా లాంచ్ చేశారు. ముఖ్య అతిథిగా హాజరైన కింగ్ నాగార్జున అక్కినేని క్లాప్ కొట్టి చిత్రబృందానికి శుభాకాంక్షలు తెలిపారు.
మొదటి సీజన్కు దర్శకత్వం వహించిన విక్రమ్ కె కుమార్ మరోసారి ఈ సిరీస్ను తెరకెక్కిస్తున్నారు. అన్నపూర్ణ స్టూడియోస్, నార్త్స్టార్ ఎంటర్టైన్మెంట్ బ్యానర్లపై నాగచైతన్య, శరత్ మరార్ కలిసి ఈ ప్రాజెక్ట్ను నిర్మిస్తున్నారు. ‘తండేల్’ విజయానంతరం నాగచైతన్య ఈ సిరీస్ను తన తదుపరి ప్రధాన ప్రాజెక్ట్గా ఎంచుకోవడం ఆసక్తికరంగా మారింది.
పార్వతి తిరువోతు, ప్రియా భవానీ శంకర్ కీలక పాత్రల్లో నటిస్తున్న ఈ సిరీస్లో మరింత సస్పెన్స్, మిస్టరీ, సైకాలజికల్ థ్రిల్స్, సూపర్నేచురల్ అంశాలు ఉండనున్నట్లు సమాచారం. త్వరలోనే ఇతర నటీనటులు, సాంకేతిక నిపుణుల వివరాలను ప్రకటించనున్నారు.
