By బ్రెయిన్ స్ట్రోక్తో చికిత్స పొందుతున్న నటుడు రమేష్కు మెగాస్టార్ చిరంజీవి అండగా నిలిచారు. గబ్బర్ సింగ్ సహా పలు సినిమాల్లో నటించిన రమేష్ ప్రస్తుతం హైదరాబాద్లోని అపోలో ఆసుపత్రిలో చికిత్స పొందుతున్నారు. ఈ విషయం తెలుసుకున్న చిరంజీవి వెంటనే స్పందించి, ఆసుపత్రి డాక్టర్లతో మాట్లాడి రమేష్ ఆరోగ్య పరిస్థితిపై ఆరా తీశారు. చికిత్సకు అవసరమైన అన్ని విధాల సహాయం అందేలా ప్రత్యేక శ్రద్ధ తీసుకోవాలని డాక్టర్లను కోరినట్లు సమాచారం.
అలాగే రమేష్ కుటుంబ సభ్యులను పరామర్శించిన చిరంజీవి, చికిత్స ఖర్చుల కోసం ఆయన భార్యకు రూ.3 లక్షల ఆర్థిక సాయాన్ని చెక్కు రూపంలో అందజేశారు. రాష్ట్ర ప్రభుత్వ ఆరోగ్య బీమా పథకం ద్వారా కూడా అవసరమైన సహాయం అందేలా చర్యలు తీసుకుంటామని కుటుంబ సభ్యులకు హామీ ఇచ్చారు.
రమేష్ త్వరగా కోలుకుని పూర్తి ఆరోగ్యంతో తిరిగి సాధారణ జీవితంలోకి రావాలని చిరంజీవి ఆకాంక్షించారు. ఆయన చేసిన ఈ సాయం పట్ల సినీ ప్రముఖులు, అభిమానులు ప్రశంసలు వ్యక్తం చేస్తున్నారు.
