By కోలీవుడ్ స్టార్ హీరో విజయ్, ప్రముఖ నటి త్రిష కృష్ణన్ గురించి గత కొంతకాలంగా సోషల్ మీడియాలో అనేక రకాల ప్రచారాలు జరుగుతున్నాయి. వీరిద్దరి మధ్య ప్రత్యేక బంధం ఉందంటూ వస్తున్న పుకార్లు అభిమానులు, నెటిజన్లలో చర్చనీయాంశంగా మారాయి. అయితే ఈ ప్రచారాలపై ఇప్పటివరకు విజయ్ గానీ, త్రిష గానీ ప్రత్యక్షంగా స్పందించలేదు.
ఇలాంటి సమయంలో త్రిష సోషల్ మీడియాలో చేసిన తాజా పోస్ట్ వైరల్ అవుతోంది. తన పెంపుడు కుక్క ప్రశాంతంగా నిద్రిస్తున్న ఫోటోను ఇన్స్టాగ్రామ్ స్టోరీలో షేర్ చేసిన ఆమె, “నా విషయాల్లో ముక్కు పెట్టడానికి నేను అనుమతించే ఒకే ఒక్క ముక్కు ఇదే” అంటూ క్యాప్షన్ ఇచ్చింది. ఈ వ్యాఖ్యను చాలా మంది ఆమె వ్యక్తిగత జీవితంపై జరుగుతున్న రూమర్లు, ఊహాగానాలకు ఇచ్చిన పరోక్ష సమాధానంగా భావిస్తున్నారు.
త్రిష ఎవరినీ నేరుగా ఉద్దేశించి మాట్లాడకపోయినా, వ్యక్తిగత విషయాల్లో అనవసర జోక్యంపై తన అభిప్రాయాన్ని స్పష్టంగా వెల్లడించినట్లు అభిమానులు అభిప్రాయపడుతున్నారు. ప్రస్తుతం ఈ పోస్ట్ సోషల్ మీడియాలో విస్తృతంగా షేర్ అవుతూ చర్చకు దారి తీస్తోంది.
