By ప్రముఖ నిర్మాత, సూపర్ గుడ్ ఫిల్మ్స్ అధినేత ఆర్‌బీ చౌదరి మృతి సినీ పరిశ్రమలో తీవ్ర విషాదాన్ని నింపింది. రాజస్థాన్‌లోని ఉదయ్‌పూర్ వద్ద జరిగిన రోడ్డు ప్రమాదంలో ఆయన దుర్మరణం చెందినట్లు సమాచారం. తమిళ హీరో జీవా తండ్రిగా, దక్షిణాది సినీ పరిశ్రమలో ప్రముఖ నిర్మాతగా ఆర్‌బీ చౌదరి ప్రత్యేక గుర్తింపు సంపాదించారు. తెలుగు, తమిళ, మలయాళ భాషల్లో దాదాపు 99 చిత్రాలను నిర్మించిన ఆయన ఎన్నో సూపర్ హిట్ సినిమాలను ప్రేక్షకులకు అందించారు. ‘సుస్వాగతం’, ‘సూర్యవంశం’, ‘రాజా’, ‘నువ్వు వస్తావని’, ‘అన్నవరం’, ‘రచ్చ’, ‘ఇష్క్’, ‘గాడ్ ఫాదర్’ వంటి చిత్రాలు ఆయన నిర్మాణంలో వచ్చాయి. ఆర్‌బీ చౌదరి మృతి పట్ల పవన్ కళ్యాణ్, చిరంజీవి సహా పలువురు సినీ ప్రముఖులు సోషల్ మీడియా ద్వారా సంతాపం వ్యక్తం చేశారు. దర్శకులు, నటులకు అవకాశాలు కల్పించిన గొప్ప నిర్మాతగా ఆయనను సినీ వర్గాలు గుర్తు చేసుకుంటున్నాయి.
