By మన టాలీవుడ్ హీరో చిరంజీవి హీరోగా ఇపుడు యంగ్ అండ్ టాలెంటెడ్ దర్శకుడు వశిష్ఠ కాంబినేషన్‌లో భారీ ఫాంటసీ సినిమా “విశ్వంభర” చేస్తున్న సంగతి తెలిసిందే. ఈ సినిమా కోసం అభిమానులు ఎప్పుటి నుండో ఆసక్తిగా ఎదురు చూస్తుండగా నిజానికి ఈ సినిమా ఈ జనవరి సంక్రాంతి బరిలోనే రిలీజ్ కావాల్సి ఉంది. కానీ పలు కారణాల చేత సినిమాని వాయిదా వేయగా ఇప్పుడు ఫైనల్‌గా ఈ సినిమా రిలీజ్ కోసం సాలిడ్ బజ్ వినిపిస్తోంది. దీంతో మెగాస్టార్‌కి స్పెషల్ డేట్ అయినటువంటి మే 9నే ఈ సినిమా ఉండొచ్చని మళ్ళీ రూమర్స్ వినిపిస్తున్నాయి. మరి ఈ డేట్ లోనే చిరు మరో ఫాంటసీ వండర్ “జగదేక వీరుడు అతిలోక సుందరి” కూడా వచ్చిన డేట్ గుర్తుండే ఉంటుంది. దీంతో ఈ డేట్ లోనే విశ్వంభర కూడా వస్తుంది అని ఆ మధ్య టాక్ వినిపించింది. అయితే ఇప్పుడు మళ్ళీ ఇదే డేట్ పై బజ్ మొదలైంది. దీంతో విశ్వంభర ఈ డేట్ లోనే రావచ్చని చెప్పాలి. ఇక ఈ సినిమాకి ఎం ఎం కీరవాణి సంగీతం అందిస్తున్నారు.
