By విజయ్ దేవరకొండ, రశ్మిక మందన్న జంటగా నటిస్తున్న భారీ పాన్ ఇండియా చిత్రం **’రణబాలి’**పై అంచనాలు రోజురోజుకూ పెరుగుతున్నాయి. రాహుల్ సంకృత్యన్ దర్శకత్వంలో మైత్రీ మూవీ మేకర్స్ నిర్మిస్తున్న ఈ చిత్రం 19వ శతాబ్దం నేపథ్యంలో, 1854 నుంచి 1878 మధ్య బ్రిటీష్ పాలనలో జరిగిన యదార్థ చారిత్రక సంఘటనల ఆధారంగా తెరకెక్కుతోంది. సెప్టెంబర్ 11న ప్రపంచవ్యాప్తంగా విడుదల కానున్న ఈ సినిమాపై హీరో విజయ్ దేవరకొండ ఆసక్తికర పోస్ట్ చేశారు. దర్శకుడు రాహుల్ సంకృత్యన్ పుట్టినరోజు సందర్భంగా శుభాకాంక్షలు తెలుపుతూ, ‘టాక్సీవాలా’ విడుదలై తొమ్మిదేళ్లు పూర్తయ్యాయని గుర్తుచేశారు. ఈ ప్రయాణంలో ఇద్దరూ ఎంతో మారినా, మంచి కథలు చెప్పాలనే రాహుల్ తపన మాత్రం మారలేదని ప్రశంసించారు. రెండు సినిమాలే కలిసి చేసినా ఎన్నో పోరాటాలు ఎదుర్కొన్నామని, మొదటి సినిమాకు ప్రేక్షకులు ఇచ్చిన ప్రేమ మరువలేనిదని పేర్కొన్నారు. ఇప్పుడు **’రణబాలి’**తో మరో విజయాన్ని అందుకోవాలని ఆశిస్తున్నట్లు చెప్పారు. రణబాలి పాత్ర పోషించే అవకాశం దక్కడం ఆనందంగా ఉందని, ఈ సినిమాను ప్రేక్షకులతో కలిసి చూసేందుకు తాను కూడా ఎంతో ఆసక్తిగా ఎదురుచూస్తున్నానని విజయ్ వెల్లడించారు.
