By కన్నడ హీరోయిన్ రష్మిక మందన్న ‘పుష్ప’ ఫ్రాంఛైజీ, యానిమల్‌, ఛావా చిత్రాలు ఆమెకు దేశవ్యాప్తంగా తిరుగులేని పాపులారిటీని తెచ్చిపెట్టాయి. ఓ దక్షిణాది హీరోయిన్ అనతికాలంలోనే ఈ స్థాయి పేరుప్రఖ్యాతులు దక్కించుకోవడం అరుదైన విషమయని ఇండస్ట్రీ వర్గాలు అభిప్రాయపడుతున్నాయి. ఇదిలావుండగా నేడు రష్మిక మందన్న జన్మదినం. ఈ సందర్భంగా కుటుంబ సభ్యులు, సన్నిహితులతో కలిసి గ్రాండ్‌గా సెలబ్రేషన్స్‌కు సిద్ధమవుతున్నదీ హీరోయిన్. అందుకు ఓమన్‌ దేశం వేదిక కానుంది. బిజీ షూటింగ్‌ షెడ్యూల్స్‌ నుండి బ్రేక్‌ తీసుకున్న రష్మిక మందన్న ఇప్పటికే తన మిత్రబృందంతో కలిసి ఓమన్‌కు చేరుకుంది. ఫ్యామిలీ మెంబర్స్‌, కొద్దిమంది సన్నిహితుల సమక్షంలో రష్మిక బర్త్‌డే సెలబ్రేట్‌ చేసుకోనుందని తెలిసింది. ఇటీవల విడుదలైన ‘ఛావా’ సినిమా అపూర్వ విజయంతో ద్విగుణీకృతమైన ఆనందంతో ఉంది రష్మిక మందన్న. దాంతో ఈ ఏడాది బర్త్‌డే చాలా ప్రత్యేకమైందిగా భావిస్తోంది ఈ హీరోయిన్.
