By మోలీవుడ్ సినిమా హీరో మోహన్ లాల్ నటించిన లేటెస్ట్ సినిమా “ఎంపురాన్”. దర్శకుడు అలాగే నటుడు పృథ్వీ రాజ్ సుకుమారన్ తెరకెక్కించిన ఈ సినిమా మలయాళ సినిమా దగ్గర భారీ హైప్ నడుమ రిలీజైంది. అయితే పలు కాంట్రవర్సీలు కూడా ఈ సినిమా ఎదుర్కొంది కానీ ఈ కాంట్రవర్సీలు కూడా ఉన్నప్పటికీ ఎంపురాన్ రికార్డు వసూళ్లతో కొత్త ఇండస్ట్రీ హిట్‌గా అవతరించింది. గత ఏడాది మలయాళ సినిమా దగ్గర వచ్చిన పలు సినిమాలు ఒకదాన్ని మించి ఒకటి భారీ వసూళ్లు అందుకొని కొత్త ఇండస్ట్రీ హిట్‌గా నిలవగా ఆ అన్ని సినిమాల వసూళ్ళని ఎంపురాన్ కేవలం 10 రోజుల్లోనే క్రాస్ చేసి కొత్త ఇండస్ట్రీ హిట్‌ టాక్‌గా నిలిచింది. ఈ 10 రోజుల్లో ఎంపురాన్ సినిమా ఏకంగా 250 కోట్లకి పైగా వరల్డ్ వైడ్ గ్రాస్‌ని అందుకున్నట్టుగా తెలుస్తోంది. ఇక దీనితో పృథ్వీరాజ్ సుకుమారన్ సహా ఇతర సినిమా యూనిట్ ఆనందం వ్యక్తం చేస్తున్నారు.
