By కుంచాకో బోబన్‌, ప్రియమణి ప్రధాన పాత్రల్లో నటించిన మలయాళ సినిమా ‘ఆఫీసర్‌ ఆన్‌ డ్యూటీ’ ఈ నెలలోనే విడుదలై అక్కడ భారీ విజయం సాధించింది. ఈ సినిమా తెలుగు రాష్ట్రాల హక్కులను ఈఫోర్‌ సంస్థ దక్కించుకుంది. ఈ నెల 7న ప్రేక్షకుల ముందుకురానుంది. శుక్రవారం ట్రైలర్‌ను విడుదల చేశారు. ఓ కేసు పరిశోధనలో హరిశంకర్‌ అనే పోలీస్‌ అధికారి ఎదుర్కొన్న సవాళ్లు, అతని వ్యక్తిగత జీవితంలో చోటుచేసుకున్న పరిణామాలు, వ్యవస్థీకృత నేరాలు, మాదక ద్రవ్యాల అక్రమ రవాణా వంటి అంశాలను అతను ఎలా డీల్‌ చేశాడనే అంశాలు ట్రైలర్‌లో ఉత్కంఠను పంచాయి. ఈ సినిమాకి జేక్స్‌ బిజోయ్‌ సంగీతాన్నందించాడు.
