By హోంబలే ఫిల్మ్స్ ప్రతిష్టాత్మక నిర్మాణంలో హీరో సూర్య, దర్శకుడు టి.జే. జ్ఞానవేల్ కాంబినేషన్లో తెరకెక్కనున్న భారీ పాన్ ఇండియా చిత్రాన్ని అధికారికంగా ప్రకటించారు. ‘జై భీమ్’ వంటి విమర్శకుల ప్రశంసలు అందుకున్న చిత్రం తర్వాత ఈ ఇద్దరూ మరోసారి కలిసి పని చేయడం సినిమాపై భారీ అంచనాలను పెంచింది. ఈ చిత్రంలో కాయదు లోహర్ హీరోయిన్గా నటిస్తుండగా, అత్యున్నత నిర్మాణ విలువలతో పవర్ఫుల్ కథను ప్రేక్షకుల ముందుకు తీసుకురానున్నారు. ఇప్పటికే కేజీఎఫ్, కాంతార, సలార్ వంటి బ్లాక్బస్టర్లను అందించిన హోంబలే ఫిల్మ్స్ మరో భారీ విజయాన్ని లక్ష్యంగా పెట్టుకుంది. ఈ చిత్రానికి సాయి అభ్యంకర్ సంగీతం అందిస్తుండగా, ఎస్.ఆర్. కదిర్ సినిమాటోగ్రఫీ బాధ్యతలు నిర్వహిస్తున్నారు. చెన్నైలో ఘనంగా జరిగిన ముహూర్త కార్యక్రమంలో చిత్ర యూనిట్తో పాటు పలువురు సినీ ప్రముఖులు పాల్గొన్నారు. సూర్య నటన, జ్ఞానవేల్ కథనం, హోంబలే నిర్మాణ విలువలు కలిసి మరో అద్భుతమైన సినీ అనుభూతిని అందిస్తాయని అభిమానులు భావిస్తున్నారు. ఈ ప్రకటనతోనే సోషల్ మీడియాలో భారీ చర్చ మొదలై, సినిమా కోసం అభిమానులు ఆసక్తిగా ఎదురుచూస్తున్నారు.
