By హీరో సిద్ధార్థ్ హిట్, ఫ్లాప్‌తో సంబంధం లేకుండా సినిమాలు చేస్తూ వస్తున్నాడు. ఇక సిద్ధార్థ్ నటించే సినిమాలను తెలుగులోనూ రిలీజ్ చేస్తున్నారు. అయితే, ఆయన నటిస్తున్న తాజా సినిమాని శ్రీ గణేష్ డైరెక్ట్ చేస్తున్నారు. ఈ సినిమాకు సంబంధించిన ఫస్ట్ లుక్ పోస్టర్‌తో పాటు టైటిల్ టీజర్‌ను తాజాగా రిలీజ్ చేశారు మేకర్స్. ఈ సినిమాకి ‘3BHK’ అనే ఇంట్రెస్టింగ్ టైటిల్‌ను మేకర్స్ ఫిక్స్ చేశారు. సాధారణ గుమాస్తా అయిన ఓ తండ్రి, ఇంట్లో అందరి పనులు చూసుకునే తల్లి.. వారికి ఓ కొడుకు, కూతురు.. వారి కల.. అనే నేపథ్యంలో ఈ సినిమా రానున్నట్లు ఈ టైటిల్ టీజర్ చెబుతోంది. ఇక ఈ సినిమాలో శరత్ కుమార్, దేవయాని, మీతా రఘునాథ్, చైత్ర, యోగిబాబు ఇతర ముఖ్య పాత్రల్లో నటిస్తున్నారు. ఈ సినిమాకు అమ్రిత్ రామ్‌నాథ్ సంగీతం సమకూరుస్తున్నారు. అరుణ్ విశ్వ ప్రొడ్యూస్ చేస్తున్న ఈ సినిమాని సెప్టెంబర్ నెలలో రిలీజ్ చేయబోతున్నట్లు సినిమా యూనిట్ తెలిపింది.
