By స్టార్ హీరోయిన్ శృతి హాసన్ తన వ్యక్తిగత జీవితంపై సోషల్ మీడియాలో వస్తున్న ప్రచారాలకు చెక్ పెట్టారు. ఇటీవల ఇన్స్టాగ్రామ్లో అభిమానులతో నిర్వహించిన ప్రశ్నోత్తరాల కార్యక్రమంలో ఆమె రిలేషన్షిప్ గురించి అడిగిన ప్రశ్నకు స్పష్టమైన సమాధానం ఇచ్చారు.
“ప్రస్తుతం నేను ఎవరితోనూ ఎలాంటి రిలేషన్షిప్లో లేను” అని శృతి హాసన్ వెల్లడించారు. దీంతో గత కొంతకాలంగా ఆమె డేటింగ్ గురించి వస్తున్న ఊహాగానాలకు ఫుల్స్టాప్ పడినట్లైంది.
మరో అభిమాని నటిగా కాకపోతే ఏ వృత్తిని ఎంచుకునేవారని ప్రశ్నించగా, చిన్నపిల్లల మానసిక వైద్యురాలు (చైల్డ్ సైకాలజిస్ట్) కావాలని అనుకునేదానినని శృతి తెలిపారు. ఆమె సమాధానం సోషల్ మీడియాలో వైరల్గా మారింది.
సినిమాల విషయానికి వస్తే, ఒకప్పుడు తెలుగు, తమిళం, హిందీ భాషల్లో వరుస చిత్రాలతో బిజీగా ఉన్న శృతి ప్రస్తుతం కథల ఎంపికలో జాగ్రత్తగా వ్యవహరిస్తున్నారు. ఇటీవల రామ్ చరణ్ నటించిన ‘పెద్ది’ చిత్రంలో ప్రత్యేక గీతంలో కనిపించి అభిమానులను అలరించారు. అలాగే ఆమె నటించనున్న ‘సలార్ 2’పై అభిమానుల్లో భారీ అంచనాలు ఉన్నాయి. ఈ చిత్రం షూటింగ్ ఈ ఏడాది చివర్లో ప్రారంభమయ్యే అవకాశం ఉందని సినీ వర్గాల్లో ప్రచారం జరుగుతోంది.
