By ఖాన్‌లతో జతకట్టకుండా.. సోలోగా తొమ్మిది వందల కోట్ల రూపాయల కలెక్షన్ల హిట్‌ను కొట్టిన క్రెడిట్ శ్రద్ధాకపూర్‌ది. స్త్రీ 2 తర్వాత బాలీవుడ్‌లో ఆమె క్రేజ్ అమాంతం పెరిగిపోయింది. ఆమెతో సినిమా చేసేందుకు నిర్మాతలు క్యూ కడుతున్న పరిస్థితి. ఇంతటి క్రేజ్‌ని ఎంజాయ్ చేస్తూ.. ఓ ఐటమ్ సాంగ్‌లో నటించేందుకు గ్రీన్ సిగ్నల్ ఇచ్చిందట శ్రద్ధాకపూర్. ప్రస్తుతం బీటౌన్‌లో ఈ వార్త చర్చనీయాంశమైంది. హృతిక్, తారక్ కలిసి నటిస్తున్న మల్టీస్టారర్ వార్ 2 లోని కీలక సన్నివేశంలో వచ్చే ఐటమ్ సాంగ్ నంబర్ కోసం శ్రద్ధాను సంప్రదించారట దర్శకుడు అయాన్ ముఖర్జీ. సింగిల్ సిట్టింగ్‌లోనే ఈ పాటలో డ్యాన్స్ చేసేందుకు శ్రద్ధ ఓకే చెప్పిందట. నిజానికి రెండేళ్ల క్రితం ఐటమ్ సాంగ్ కోసమే పుష్ప 2 టీమ్ శ్రద్ధా కపూర్‌ని సంప్రదించింది. కానీ ఆమె ఒప్పుకోలేదు. అప్పుడు ఆ ఛాన్స్ శ్రీలీలకు దక్కింది.
