By రీసెంట్‌గా మంచు వారి కుటుంబంలో జరుగుతున్న గొడవల గురించి అందరికీ తెలిసిందే. మంచు మోహన్ బాబు అలాగే తన కొడుకులు మంచు విష్ణు, మంచు మనోజ్‌ల విషయంలో పలు కారణాల రీత్యా చేసిన ఆరోపణలు ఇపుడు టాలీవుడ్‌లో హీట్ టాపిక్‌గా మారుతూ వస్తున్నాయి. మరి ఈ నేపథ్యంలో రీసెంట్‌గానే మంచు మనోజ్ ఇంటికి విష్ణు వచ్చి తమ ఇంటి దగ్గర జనరేటర్స్‌లో పంచదార పోసి కరెంట్ పోయేలా చేశాడు అని ఓ షాకింగ్ వీడియో ఫుటేజ్ లీక్ చేశాడు. అయితే దీనిపై వారి మాతృమూర్తి మంచు నిర్మలా మోహన్ బాబు నుండి వచ్చిన కంప్లైంట్ నోట్ ఇపుడు షాకింగ్‌గా మారింది. డైరెక్ట్‌గా పహాడీ షరీఫ్ పోలీస్ వారికి ఇచ్చిన కంప్లైంట్ ఇది కాగా, ఇందులో మొన్న డిసెంబర్ 14న నా కొడుకు మంచు విష్ణు నా పుట్టినరోజు సందర్భంగా కేక్ తీసుకొచ్చిన విజువల్స్‌ని నా రెండో కుమారుడు మంచు మనోజ్ బయట పెట్టి విష్ణు గొడవ చేసినట్టుగా లేని పోని అభాండాలు వేసి కంప్లైంట్ ఇచ్చినట్టుగా తెలిసింది.
అలాగే ఇంట్లో పనివాళ్ళు కూడా వారికి వారే మానేశారు తప్ప విష్ణు బలవంతం ఏమీలేదు అని, విష్ణు వచ్చాడు తన పని తాను చూసుకుని వెళ్ళిపోయాడు తప్ప అందులో ఏం లేదని ఆమె తెలిపారు. దీంతో ఈ కంప్లైంట్ నోట్ ఇపుడు వైరల్‌గా మారింది.
