By ప్రస్తుతం సమంత స్వీయ నిర్మాణంలో రూపొందిస్తున్న ‘మా ఇంటి బంగారం’ అనే సినిమాలో నటిస్తోంది. రెండేళ్ల క్రితం వచ్చిన ‘ఖుషీ’ తర్వాత పెద్ద సినిమాలు చేయలేదు సమంత. ఈ ఏడాది మాత్రం భారీ సినిమాలలో భాగమయ్యేందుకు సిద్ధమవుతోందని తెలిసింది. తాజా సమాచారం ప్రకారం ఇటీవల ప్రకటించిన అల్లు అర్జున్‌-అట్లీ పాన్‌ ఇండియా సినిమాలో సమంత హీరోయిన్‌గా నటించే అవకాశముందని చెన్నై ఫిల్మ్‌ సర్కిల్స్‌లో వినిపిస్తోంది. ఈ సినిమాలో ఇద్దరు హీరోయిన్లకు చోటుంటుందట. మరో హీరోయిన్‌ను బాలీవుడ్‌ నుండి తీసుకుంటారని తెలుస్తోంది. ‘సన్నాఫ్‌ సత్యమూర్తి’ సినిమాలో బన్నీతో జోడీగా నటించింది సమంత. ఆ తర్వాత ‘పుష్ప’లో స్పెషల్ సాంగ్‌లో ఆయనతో నర్తించింది. ఒకవేళ అట్లీ-బన్నీ ప్రాజెక్ట్‌లో సమంత నాయికగా ఖరారైతే ఇది వాళ్లిద్దరికి హ్యాట్రిక్‌ కాంబినేషన్‌ అవుతుంది. ఈ వార్తల్లో వాస్తవమెంతో తెలియాలంటే చిత్ర బృందం నుండి అధికారిక ప్రకటన రావాల్సిందే అంటున్నారు.
