ఒక లైలా కోసం, ముకుందా సినిమాలతో తెలుగు ప్రేక్షకులకు హాయ్ చెప్పిన ఈ భామ మరోవైపు తమిళం, హిందీ భాషల్లో కూడా సినిమాలు చేస్తూ వన్ ఆఫ్ ది లీడింగ్ హీరోయిన్గా కొనసాగుతోంది. ప్రతీ ఏడాది చేతినిండా ప్రాజెక్టులతో బిజీగా ఉండే పూజాహెగ్డేకు 2024 మాత్రం మరిచిపోలేని ఏడాదిగా మిగిలిపోతుందనే చెప్పాలి. ఎందుకంటే ఈ ఏడాది పూజాహెగ్డే నటిస్తోన్న ఒక్క సినిమా కూడా విడుదల కాలేదు. సల్మాన్ ఖాన్తో నటించిన కిసీ కా భాయ్ కిసీ కీ జాన్ 2023 ఏప్రిల్లో విడుదలైంది. అప్పటి నుండి ఈ భామ నుండి కొత్త సినిమా ఏ ఒక్కటీ విడుదల కాలేదు. పూజాహెగ్డే ప్రస్తుతం దేవా, సూర్య 44, దళపతి 69 సినిమాల్లో నటిస్తోంది. దీంతోపాటు హాయ్ జవాని తో ఇష్క్ హోనా హై సినిమాలో నటిస్తోంది. వీటిలో దేవా, సూర్య 44 పోస్ట్ ప్రొడక్షన్ దశలో ఉండగా.. దళపతి 69, హాయ్ జవాని తో ఇష్క్ హోనా హై షూటింగ్ దశలో ఉన్నాయి. 2020లో త్రివిక్రమ్-అల్లు అర్జున్ కాంబోలో వచ్చిన అలవైకుంఠపురంలో సినిమా బ్లాక్ బస్టర్ హిట్గా నిలిచింది. ఆ తర్వాత వచ్చిన మోస్ట్ ఎలిజిబుల్ బ్యాచ్లర్, రాధేశ్యామ్ బోల్తా కొట్టగా.. బీస్ట్ యావరేజ్ టాక్ తెచ్చుకుంది. మళ్లీ హిట్ కొట్టాలనే కసితో సినిమాలతో బిజీగా అయ్యింది.

- December 19, 2024
0
18
Less than a minute
Tags:
You can share this post!
editor