By మ‌ల‌యాళ మెగాస్టార్ మమ్ముట్టి ప్ర‌ధాన పాత్ర‌లో న‌టిస్తున్న తాజా సినిమా డొమినిక్ అండ్ ది లేడీస్ పర్సు. త‌మిళ అగ్ర ద‌ర్శ‌కుడు గౌతమ్ వాసుదేవ్ మీనన్ ఈ సినిమాకు ద‌ర్శ‌క‌త్వం వ‌హిస్తుండ‌గా.. మమ్ముట్టి సొంత ప్రొడ‌క్ష‌న్ ఈ సినిమాను నిర్మిస్తోంది. ఇప్ప‌టికే షూటింగ్ కంప్లీట్ చేసుకున్న ఈ సినిమా రిప‌బ్లిక్ డే కానుక‌గా జ‌న‌వ‌రి 23న ప్రేక్ష‌కుల ముందుకు రానుంది. ఈ క్ర‌మంలోనే సినిమా నుండి ట్రైల‌ర్‌ను లాంచ్ చేశారు. ఈ సినిమా ట్రైల‌ర్ చూస్తుంటే.. మమ్ముట్టి ఇందులో డొమినిక్ అనే డిటెక్టివ్ పాత్ర‌లో న‌టించ‌బోతున్నాడు. ఆసుప‌త్రిలో దొరికిన లేడీస్ పర్సు చుట్టూ ఈ కథ తిరుగుతుందని తెలుస్తోంది. దొరికిన ఆ లేడీస్ ప‌ర్స్ ఎవ‌రిది అనే విషయాన్ని డొమినిక్ క‌నిపెడతాడా.. ఇంత‌కీ ఆ ప‌ర్స్‌లో ఏముంది.. ఈ ప‌ర్స్‌కి, మ‌ర్డ‌ర్స్‌కి సంబంధం ఏంటి అనేది తెలియాలంటే ఈ సినిమా వ‌చ్చేవ‌ర‌కు వెయిట్ చేయాల్సిందే. డా.నీర‌జ్ రాజ‌న్ ఈ సినిమాకు క‌థ‌ను అందిస్తుండ‌గా.. గోకుల్ సురేష్, సుస్మితా భట్, విజి వెంకటేష్, వినీత్, విజయ్‌బాబు త‌దిత‌రులు ఈ సినిమాలో కీలక పాత్ర‌ల్లో యాక్ట్ చేయబోతున్నారు.
