By మహేష్‌బాబు హీరోగా రాజమౌళి దర్శకత్వంలో రూపొందుతున్న జంగిల్‌ అడ్వెంచరస్‌ యాక్షన్‌ ఎంటర్‌టైనర్‌ నిర్మాణం నుండే ప్రేక్షకుల్లో ఆసక్తిని రేకెత్తిస్తోంది. లార్జర్‌ దేన్‌ లైఫ్‌ కథాంశాలతో వెండితెరపై మ్యాజిక్‌ చేస్తుంటారు రాజమౌళి. ఈ నేపథ్యంలో ఈ సినిమా కథేమిటన్నది అందరిలో ఆసక్తిని పెంచుతోంది. అమెజాన్‌ అడవుల నేపథ్యంలో ట్రెజర్‌ హంట్‌ కథాంశమిదని గతంలో వార్తలొచ్చాయి. తాజా సమాచారం ప్రకారం ఈ కథలో కాశీ నేపథ్యం కీలకంగా ఉంటుందని తెలిసింది. భారతీయ పురాణాలతో సంబంధం కలిగిన అడ్వెంచరస్‌ జర్నీగా రాజమౌళి ఈ సినిమాని తెరకెక్కిస్తున్నారని సమాచారం. హనుమంతుడి స్ఫూర్తితో హీరో పాత్రను తీర్చిదిద్దారని ప్రచారం జరుగుతోంది. కాశీ నేపథ్య సన్నివేశాల కోసం హైదరాబాద్‌లో కాశీ పట్టణాన్ని తలపించేలా సెట్స్‌ నిర్మిస్తున్నారని తెలుస్తోంది. ప్రస్తుతం ఒడిశాలోని కోరాపుట్‌ పర్వతపంక్తుల్లో ఈ సినిమా షూటింగ్‌ జరుగుతోంది. కె.ఎల్‌.నారాయణ తెరకెక్కిస్తున్న ఈ సినిమాకి ‘గరుడ’ అనే టైటిల్‌ పెడతారని ప్రచారం జరుగుతోంది.
