By జబర్దస్త్‌ కమెడియన్‌ రాకింగ్‌ రాకేష్‌ స్వీయ నిర్మాణంలో హీరోగా నటిస్తున్న సినిమా ‘కేశవ చంద్ర రమావత్‌’ (కేసీఆర్‌). గరుడవేగ అంజి డైరెక్షన్ చేస్తున్నారు. అనన్య కృష్ణన్‌ కథానాయిక. ఈ నెల 22న ప్రేక్షకుల ముందుకురానుంది. శుక్రవారం రిలీజ్ డేట్‌ అనౌన్స్‌మెంట్‌ పోస్టర్‌ను నటుడు, దర్శకుడు ‘బలగం’ వేణు విడుదల చేశారు. ‘ఓ లంబాడీ యువకుడి నిజ జీవితం నుండి స్ఫూర్తిపొంది ఈ సినిమాను తెరకెక్కించాం. మాజీ ముఖ్యమంత్రి కేసీఆర్‌ అభిమాని కథగా అందరినీ ఆకట్టుకుంటుంది. తెలుగు రాష్ట్రాలతో పాటు ప్రపంచవ్యాప్తంగా ఈ సినిమాను విడుదల చేయబోతున్నాం’ అని సినిమా బృందం పేర్కొంది. తనికెళ్ల భరణి, ధన్‌రాజ్‌, తాగుబోతు రమేష్‌, జోర్దార్‌ సుజాత, లోహిత్‌ కుమార్‌, రచ్చ రవి తదితరులు నటిస్తున్న ఈ సినిమాకి సంభాషణలు: రాజ్‌కుమార్‌ కుసుమ, సంగీతం: చరణ్‌ అర్జున్‌, స్క్రీన్‌ప్లే, రచన, నిర్మాత: రాకింగ్‌ రాకేష్‌.
