By హాలీవుడ్‌లో సెటిల్‌ అయిన ప్రియాంక చోప్రా.. భారతీయ సినిమాలు అరకొర మాత్రమే చేస్తున్నది. ఎస్‌.ఎస్‌.రాజమౌళి, మహేష్‌బాబు కాంబినేషన్‌లో రూపొందుతున్న ‘SSMB29’, హృతిక్‌రోషన్‌ దర్శకత్వంలో రూపొందనున్న ‘క్రిష్‌ 4’.. ప్రస్తుతం ఆమె చేతిలో ఉన్న ఇండియన్‌ సినిమాలు ఈ రెండే. ముఖ్యంగా రాజమౌళి సినిమాలో నటిస్తుండటంతో ఆమెకు సంబంధించిన ఏ వార్త అయినా సోషల్‌ మీడియాలో విపరీతంగా వైరల్ అయిపోతోంది. రీసెంట్‌గా ఓ ఇంగ్లీష్ పత్రికకు ఆమె ఇచ్చిన ఇంటర్వ్యూని మహేష్‌బాబు అభిమానులు వైరల్ చేస్తున్నారు. తాను ఓ ప్రెస్టేజియస్‌ ఇండియన్‌ సినిమాలో నటిస్తున్నట్లు, ఆ ప్రాజెక్ట్‌ కోసం తానెంతో ఎదురుచూస్తున్నట్టు ఆమె ఈ ఇంటర్వ్యూలో తెలిపారు. ‘నేను ఇండియాను, హిందీ సినిమాలను మిస్‌ అవుతున్నాను. ఈ ఏడాది ఒక భారతీయ సినిమాకు సైన్‌ చేశాను. ఆ సినిమా నాకెంతో ప్రత్యేకం.’ అని ఆ ఇంటర్వ్యూలో పేర్కొన్నారు ప్రియాంక. మణిరత్నం ‘బొంబాయి’ సినిమాను ఆమె గుర్తుచేసుకుంటూ ‘నేను సినీనటినే కానీ, సినిమాలు చూస్తూ పెరిగిన నటిని కాదు. జీవితంలో చాలా తక్కువ సినిమాలు చూశా. మా నాన్నకు సంగీతం అంటే పిచ్చ ఇష్టం. అందుకే ఇంట్లో ఎప్పుడూ ఏదో ఒక సంగీతం వినిపిస్తూవుండేది. నాకు 13 ఏళ్ల వయసులో ముంబయ్‌లోని ఓ థియేటర్‌లో మణిరత్నం ‘బొంబాయి’ సినిమా చూశాను. ఊహ తెలిశాక నేను చూసిన తొలి సినిమా అదే. ఆ అనుభవం జీవితంలో మరిచిపోలేను అంటూ చెప్పుకొచ్చింది ప్రియాంక.
