విష్వక్సేన్ హీరోగా నటిస్తున్న సినిమా ‘మెకానిక్ రాకీ’. రవితేజ ముళ్లపూడి డైరెక్టర్. ఎస్ఆర్టీ పతాకంపై రామ్ తాళ్లూరి నిర్మిస్తున్నారు. ఈ నెల 22న ప్రేక్షకుల ముందుకురానుంది. బుధవారం ఈ సినిమా నుంచి ‘ఐ హేట్ యూ మై డాడీ’ అనే పాటను విడుదల చేశారు. జేక్స్ బిజోయ్ స్వరపరచిన ఈ పాటను సనారే రచించారు. రామ్ మిరియాల ఆలపించారు. తండ్రీకొడుకుల మధ్య వుండే ప్రేమానుబంధాన్ని ఆవిష్కరిస్తూ ఈ పాట అర్థవంతంగా సాగింది. విష్వక్సేన్ డ్యాన్స్ మూమెంట్స్ ఆకట్టుకున్నాయి. మాస్ యాక్షన్, కామెడీ ఎంటర్టైనర్ ఇదని, విష్వక్సేన్ పాత్ర గత సినిమాలకు భిన్నంగా ఉంటుందని, వినోదానికి పెద్దపీట వేశామని సినిమా బృందం పేర్కొంది. మీనాక్షి చౌదరి, శ్రద్ధాశ్రీనాథ్ కథానాయికలుగా నటిస్తున్న ఈ సినిమాకి కెమెరా: మనోజ్ కటసాని, సంగీతం: జేక్స్ బిజోయ్.

- November 7, 2024
0
26
Less than a minute
Tags:
You can share this post!
administrator