వినోదమే ఆనందం, అదే సందేశం..

వినోదమే ఆనందం, అదే సందేశం..

డైరెక్టర్ సుకుమార్‌ కూతురు సుకృతి వేణి మెయిన్‌రోల్‌లో యాక్ట్ చేసిన సినిమా ‘గాంధీ తాత చెట్టు’. పద్మావతి మల్లాది దర్శకురాలు. నవీన్‌ ఎర్నేని, యలమంచిలి రవిశంకర్‌, శేష సింధూరావు నిర్మాతలు. ఈ నెల 24న ప్రేక్షకుల ముందుకు రానుంది. గురువారం మీడియా సమావేశాన్ని ఏర్పాటు చేశారు. దీనికి సుకుమార్‌ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ‘చిన్నప్పటి నుండి సుకృతికి పాటలు పాడటం అంటే చాలా ఇష్టం. యాక్టింగ్‌ మీద ఎప్పుడూ ఇంట్రెస్ట్‌ చూపెట్టలేదు. నా ముందు గారాలు పోయే సుకృతి ఎలా యాక్ట్‌ చేస్తుందో అనే చిన్న సందేహం ఉండేది. కానీ ఈ సినిమాలో అద్భుతంగా నటించి మెప్పించింది. దర్శకురాలు కథ ఎంత గొప్పగా రాసుకుందో అంతే గొప్పగా సినిమా తీసింది. మనుషుల్ని మూడు గంటలు కూర్చోబెట్టి ఎంటర్‌టైన్‌ చేస్తే ప్రపంచంలో ఆ మూడు గంటలు క్రైమ్‌ రేట్ తగ్గుతుందని నేను నమ్ముతాను. నా దృష్టిలో ఎంటర్‌టైన్‌మెంటే సందేశం. వినోదంతో పాటు సందేశం ఉంటే అది సినిమాకు బోనస్‌. గాంధీ తాత చెట్టు అదే కోవకు చెందుతుంది’ అన్నారు. చెట్టుకి, మనిషికి మధ్య ప్రేమకథ ఉంటే ఎలా ఉంటుందనే ఆలోచన నుండే ఈ కథ పుట్టిందని దర్శకురాలు చెప్పారు.

editor

Related Articles