By టాలీవుడ్ న‌టి సమంత చాలా రోజుల తర్వాత వెబ్ సిరీస్‌తో ప్రేక్ష‌కుల ముందుకు వ‌స్తున్న విష‌యం తెలిసిందే. ఆమె ప్ర‌ధాన పాత్ర‌ల్లో న‌టిస్తున్న స్పై యాక్షన్‌ సిరీస్ ‘ ‘సిటాడెల్: హనీ బన్నీ’. ఇందులో వరుణ్ ధావన్ క‌థానాయకుడిగా న‌టిస్తుండ‌గా.. ‘ది ఫ్యామిలీ మ్యాన్‌’, ‘ఫర్జీ’ లాంటి విజయవంతమైన సిరీస్‌లను అందించిన రాజ్ అండ్ డీకే ఈ వెబ్ సిరీస్‌కు డైరెక్షన్ చేస్తున్నారు. ప్రియాంక చోప్రా న‌టించిన హాలీవుడ్ బ్లాక్ బ‌స్ట‌ర్ వెబ్ సిరీస్ ‘సిటాడెల్’కు రీమేక్‌గా ఈ సిరీస్ రాబోతోంది. ఈ సిరీస్ అమెజాన్‌ ప్రైమ్‌ వేదికగా నవంబర్‌ 7 నుండి స్ట్రీమింగ్‌ కానుంది. ఇక రిలీజ్ డేట్ ద‌గ్గ‌ర‌వుతుండడంతో వ‌రుస ప్ర‌మోష‌న్స్‌లో మునిగింది సినిమా బృందం. ఈ సినిమాకి సంబంధించి హిందీ టాపిక్ రాగా.. వేదిక‌ల‌పై త‌న‌కు హిందీ మాట్లాడటం అంటే చెడ్డ భ‌య‌మంటూ చెప్పుకొచ్చింది సమంత. మూవీ ప్ర‌మోష‌న్స్‌లో భాగంగా సినిమా డైరెక్టర్ రాజ్ అండ్ డీకే మాట్లాడుతూ.. ఈ సిరీస్ కోసం ఫస్ట్ హిందీ మాట్లాడేవారినే తీసుకుందాం అనుకున్నాం. అందుకే వరుణ్ ధావ‌న్‌ను హీరోగా తీసుకున్నాం. స‌మంత‌కు హిందీ వ‌చ్చు అని తెలియ‌దు. ఒక ఇంట‌ర్వ్యూలో సమంత హిందీలో మాట్లాడటం చూసి ఆశ్చర్యపోయాం. దీంతో ఈ సిరీస్‌కు సమంత ఫ‌ర్‌ఫెక్ట్‌గా పనిచేస్తుందని అప్పుడే ఫిక్స్ అయ్యాం అంటూ రాజ్ అండ్ డీకే చెప్పుకొచ్చారు.
ఈ వ్యాఖ్య‌ల‌పై సమంత తాజాగా స్పందించింది. సిటాడెల్ సిరీస్‌లో నాహ‌నీ పాత్ర‌కు హిందీ బాగా వ‌స్తుంది. నేను మాట్లాడేట‌ప్పుడు ఉచ్ఛారణలో ఏమైనా త‌ప్పులు దొర్లుతాయనే భ‌యంతో వేదిక‌ల‌పై హిందీలో మాట్లాడ‌ను అంటూ సమంత చెప్పుకొచ్చింది.
