By యంగ్ టైగర్ ఎన్టీఆర్, దర్శకుడు త్రివిక్రమ్ శ్రీనివాస్ కాంబినేషన్లో తెరకెక్కనున్న ‘గాడ్ ఆఫ్ వార్’ సినిమాపై ఇప్పటికే భారీ అంచనాలు నెలకొన్నాయి. ఇటీవల విడుదలైన కాన్సెప్ట్ పోస్టర్ సినిమాపై ఆసక్తిని మరింత పెంచగా.. ఇప్పుడు హీరోయిన్ ఎంపికకు సంబంధించిన వార్తలు సోషల్ మీడియాలో వైరల్ అవుతున్నాయి. సినీ వర్గాల్లో వినిపిస్తున్న సమాచారం ప్రకారం.. ఈ సినిమాలోని హీరోయిన్ పాత్ర కోసం బాలీవుడ్ స్టార్ హీరోయిన్ కియారా అద్వానీ పేరును పరిశీలిస్తున్నట్లు ప్రచారం జరుగుతోంది. అయితే దీనిపై చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు. దీంతో ప్రస్తుతం ఇవన్నీ ఊహాగానాలుగానే ఉన్నాయి.
పురాణ గాథల స్ఫూర్తితో రూపొందనున్న మైథలాజికల్ యాక్షన్ డ్రామాగా ఈ సినిమా తెరకెక్కనున్నట్లు టాక్. ఇందులో ఎన్టీఆర్ శక్తివంతమైన పాత్రలో కనిపించనున్నారని సమాచారం. కథలో కీలకమైన మహిళా పాత్రకు కియారా సరిపోతారని మేకర్స్ భావిస్తున్నట్లు సినీ వర్గాల్లో చర్చ సాగుతోంది. ఇప్పటికే ఎన్టీఆర్, కియారా ‘వార్ 2’ సినిమాలో కలిసి నటించారు. అయితే ఆ సినిమాలో పూర్తి స్థాయి జోడీగా కనిపించలేదు. దీంతో ‘గాడ్ ఆఫ్ వార్’లో కియారా హీరోయిన్గా ఎంపికైతే.. తొలిసారి ఎన్టీఆర్ సరసన పూర్తి స్థాయి హీరోయిన్గా నటించే అవకాశం ఉంటుందని అభిమానులు భావిస్తున్నారు.
కియారా అద్వానీ తెలుగులో ‘భరత్ అనే నేను’, ‘వినయ విధేయ రామ’, ‘గేమ్ ఛేంజర్’ సినిమాల్లో నటించారు. అలాగే బాలీవుడ్లో ‘ఎం.ఎస్. ధోని: ది అన్టోల్డ్ స్టోరీ’, ‘కబీర్ సింగ్’, ‘షేర్షా’ వంటి విజయవంతమైన సినిమాలతో స్టార్ హీరోయిన్గా గుర్తింపు పొందారు. నటుడు సిద్ధార్థ్ మల్హోత్రాను వివాహం చేసుకున్న తర్వాత కూడా వరుస సినిమాలతో బిజీగా కొనసాగుతున్నారు.
మరోవైపు ఎన్టీఆర్ ప్రస్తుతం దర్శకుడు ప్రశాంత్ నీల్ తెరకెక్కిస్తున్న ‘డ్రాగన్’ సినిమా షూటింగ్లో పాల్గొంటున్నారు. ఆ సినిమా పూర్తైన తర్వాత త్రివిక్రమ్ దర్శకత్వంలోని ‘గాడ్ ఆఫ్ వార్’ సెట్స్పైకి వెళ్లే అవకాశం ఉందని సినీవర్గాలు చెబుతున్నాయి. హీరోయిన్పై వస్తున్న వార్తలపై అధికారిక ప్రకటన వచ్చే వరకు వేచి చూడాల్సి ఉంది.
