‘కేసీఆర్ అంటే ఓ చరిత్ర. తెలంగాణ రాష్ట్రాన్ని సాధించడమే కాకుండా పదేళ్ల పాటు అభివృద్ధి పథంలో నడిపించారు. కేసీఆర్ పల్లెలతో పాటు హైదరాబాద్ను అద్భుతంగా తీర్చిదిద్దారు. జబర్దస్త్ నటుడు రాకింగ్ రాకేష్ స్వీయ నిర్మాణంలో హీరోగా నటించిన చిత్రం ‘కేశవ చంద్ర రమావత్’ (కేసీఆర్). గరుడవేగ అంజి డైరెక్షన్ చేశారు. ఈ నెల 22న ప్రేక్షకుల ముందుకు రానుంది. సోమవారం హైదరాబాద్లో ప్రీరిలీజ్ ఈవెంట్ను నిర్వహించారు. ఈ వేడుకకు హరీష్ రావు ముఖ్య అతిథిగా విచ్చేశారు. ఆయన మాట్లాడుతూ ‘ఈ సినిమా ద్వారా కేసీఆర్ తెలంగాణ కోసం చేసిన పోరాటాన్ని ప్రజలకు చూపించే గొప్ప ప్రయత్నాన్ని చేశారు రాకేష్. తెలంగాణ రాష్ట్రాన్ని సాధించిన ఒకే ఒక్కరు కేసీఆర్. తద్వారా ఆయన ఓ చరిత్ర సృష్టించారు. అటువంటి కేసీఆర్ మీద సినిమా తీయడం అభినందనీయం. తెలంగాణ మీద ప్రేమ వున్న వాళ్లు, తెలంగాణ ప్రేమికులు, కేసీఆర్ అభిమానులందరూ ఈ సినిమా చూడాలని కోరుకుంటున్నా’ అన్నారు.
ప్రస్తుతం గిరిజనుల మీద అణచివేత గురించిన చర్చ జరుగుతోంది. ఈ సందర్భంలో రాకేష్ గిరిజనుల మీద సినిమా తీశాడు. ఇందులో తెలంగాణ లంబాడి యువకుణ్ణి హీరోగా చూపించినందుకు రాకేష్ను అభినందిస్తున్నా. ఇలాంటి మరిన్ని కథలతో తెలంగాణ సినిమాకు స్వర్ణ యుగం రావాలని కోరుకుంటున్నా అన్నారు. ఈ కార్యక్రమంలో ఎమ్మెల్సీ గోరటి వెంకన్న, దర్శకుడు ఎన్.శంకర్, వైకాపా నేత, సినీ నటి రోజా తదితరులు పాల్గొన్నారు.