By అలియా భట్, శర్వరి ప్రధాన పాత్రల్లో నటించిన స్పై యాక్షన్ సినిమా ‘ఆల్ఫా’ బాక్సాఫీస్ వద్ద సైలెంట్గా మంచి వసూళ్లు సాధిస్తోంది. అనిల్ కపూర్, బాబీ డియోల్ కీలక పాత్రలు పోషించగా, హృతిక్ రోషన్ అతిథి పాత్రలో కనిపించారు. శివ్ రవైల్ దర్శకత్వంలో, యశ్ రాజ్ ఫిల్మ్స్ నిర్మించిన ఈ సినిమా జులై 3, 2026న విడుదలైంది. విడుదలైన తొలిరోజే సినిమాకు నెగిటివ్ టాక్ వచ్చినప్పటికీ, ఆ ప్రభావాన్ని అధిగమించి బాక్సాఫీస్ వద్ద నిలకడగా వసూళ్లు రాబట్టింది. తాజా అధికారిక లెక్కల ప్రకారం, విడుదలైన 20 రోజుల్లో ప్రపంచవ్యాప్తంగా రూ.100.16 కోట్ల గ్రాస్ కలెక్షన్లు సాధించింది.
నెగిటివ్ టాక్ మధ్య కూడా రూ.100 కోట్ల మార్క్ను అందుకోవడం విశేషమని ట్రేడ్ వర్గాలు పేర్కొంటున్నాయి. పూర్తి థియేట్రికల్ రన్ ముగిసే సమయానికి ఈ సినిమా మరిన్ని వసూళ్లు సాధిస్తుందా అనే ఆసక్తి బాలీవుడ్లో నెలకొంది. ఈ విజయంతో అలియా భట్ తన ఖాతాలో మరో బాక్సాఫీస్ మైలురాయిని నమోదు చేసుకుంది.
