By మీరా ప్రొడక్షన్స్ బ్యానర్పై మౌర్య సిద్ధవరం, తన్వి ఆకాంక్ష హీరోహీరోయిన్లుగా నటిస్తున్న కొత్త చిత్రం శనివారం హైదరాబాద్లోని రామానాయుడు స్టూడియోస్లో ఘనంగా పూజా కార్యక్రమాలతో ప్రారంభమైంది. ఈ కార్యక్రమానికి సినీ పరిశ్రమకు చెందిన పలువురు ప్రముఖులు హాజరయ్యారు. ముహూర్తపు సన్నివేశానికి ప్రముఖ నిర్మాత అల్లు అరవింద్ క్లాప్ కొట్టగా, అల్లు స్నేహ కెమెరా స్విచ్ ఆన్ చేశారు. బన్నీ వాస్ స్క్రిప్ట్ను చిత్రబృందానికి అందించారు. ఈ సందర్భంగా నిర్మాత సందీప్ రామినేని (శాండి) మాట్లాడుతూ, మీరా ప్రొడక్షన్స్ తొలి చిత్రంగా రూపొందుతున్న ఈ సినిమా పూర్తి స్థాయి వినోదాత్మక చిత్రమని తెలిపారు. దర్శకురాలు గీత సి. శేఖర్ ఫన్తో పాటు ఎమోషనల్ టచ్ కలిగిన కథను సిద్ధం చేశారని చెప్పారు. మౌర్య, తన్వి జోడీ ప్రేక్షకులను ఆకట్టుకుంటుందని ఆయన ఆశాభావం వ్యక్తం చేశారు. ఈ సినిమా షూటింగ్ను ఆగస్టులో ప్రారంభించనున్నట్లు వెల్లడించిన నిర్మాత, ఇతర నటీనటులు, సాంకేతిక నిపుణుల వివరాలను త్వరలో ప్రకటించనున్నట్లు తెలిపారు.
