By బాలీవుడ్లో దశాబ్దాలుగా ఖాన్స్, కపూర్స్ ఆధిపత్యం కొనసాగుతూ వచ్చింది. వారి సినిమాలు బాక్సాఫీస్ వద్ద భారీ విజయాలు సాధిస్తూ ఇండస్ట్రీని ముందుకు నడిపించాయి. అయితే ఇటీవల విడుదలైన కొన్ని టాప్ గ్రాసింగ్ చిత్రాల్లో ఈ స్టార్ కుటుంబాల హీరోలు లేకపోవడం పెద్ద చర్చకు దారి తీసింది. దీంతో ఖాన్స్, కపూర్స్ కాలం ముగిసిందా అనే సందేహం ప్రేక్షకుల్లో, సినీ వర్గాల్లో వ్యక్తమవుతోంది. కానీ ట్రేడ్ విశ్లేషకుల ప్రకారం ఇది కేవలం తాత్కాలిక మార్పు మాత్రమే. గతంలో ఆమిర్ ఖాన్ ‘దంగల్’, షారుఖ్ ఖాన్ ‘పఠాన్’, ‘జవాన్’ వంటి సినిమాలతో భారీ రికార్డులు సృష్టించారు. సల్మాన్ ఖాన్ కూడా తన మార్కెట్ను నిలబెట్టుకుంటూ వస్తున్నారు. మరోవైపు రణబీర్ కపూర్ ‘యానిమల్’, ‘బ్రహ్మాస్త్ర’ వంటి హిట్లతో కొత్త తరానికి నాయకత్వం వహిస్తున్నారు. రణవీర్ సింగ్ వంటి హీరోలు కూడా పోటీని మరింత పెంచుతున్నారు. రాబోయే ‘కింగ్’, ‘రామాయణ’ వంటి భారీ చిత్రాల ఫలితాలు వచ్చిన తర్వాతే అసలు పరిస్థితి ఏంటో స్పష్టత వస్తుంది. అప్పటి వరకు ఖాన్స్, కపూర్స్ ప్రభ తగ్గిందని తేల్చడం తొందరపాటు నిర్ణయం అవుతుంది.
