By ఒక ఇంటర్వ్యూలో కోట శ్రీనివాసరావు ఇండస్ట్రీలో ఉండడం గురించి డైలాగ్ చెప్తాడు. ఇండస్ట్రీలో ఉండాలంటే గుమ్మడికాయంత టాలెంట్ ఉంటే సరిపోదు.. ఆవగింజంత అదృష్టం కూడా ఉండాలట. పాపం ప్రస్తుతం హాట్ బ్యూటీ నిధి అగర్వాల్ గురించి ఫ్యాన్స్ అందరూ అలానే అనుకుంటున్నారు. అదృష్టం వచ్చినట్టే వచ్చి చేజారిపో తోందని. నిధి.. సవ్యసాచి సినిమాతో తెలుగు తెరకు పరిచయమైంది. అమ్మడి అందానికి మొదటి సినిమాకే కుర్రకారు క్యూ కట్టేశారు. ఇక ఉండిపో ఉండిపో అని ఇస్మార్ట్ శంకర్ లో అందంగా అందాలను చూపించేసరికి.. నిధి హీరోయిన్ నే గుండెల్లో ఉంచేసుకున్నారు. ఇస్మార్ట్ శంకర్ హిట్ తరువాత నిధి స్టార్ హీరోయిన్ గా మారుతుంది అనుకున్నారు. కానీ, అవకాశాలు రాలేదు. మధ్యలో కొద్దిగా గ్యాప్ తీసుకుని హరిహర వీరమల్లుతో వీరవిహారం చేసింది. హీరోయిన్ నటన, డ్యాన్స్ కు ఫ్యాన్స్ ఫిదా అయితే అయ్యారు కానీ, విజయాన్ని అందించలేకపోయారు. అలా వీరమల్లు కూడా తుస్సుమంది.
ఇక ప్రస్తుతం నిధి ఆశలన్నీ ది రాజాసాబ్ పైనే పెట్టుకుంది. ప్రభాస్ హీరోగా మారుతీ దర్శకత్వంలో తెరకెక్కిన ఈ సినిమాలో నిధి ఒక హీరోయిన్ గా నటిస్తోంది. టీజర్ చూశాక ప్రభాస్ ప్రేమించేది నిధినే అని తెలుస్తోంది. ఈ లెక్కన మెయిన్ హీరోయిన్ నిధినే అని టాక్. ఇక మాళవిక మోహనన్, రిద్ది కుమార్ ఉన్నా చాలా సైలెంట్ గా నన్ గా కనిపించి మొదటనే మార్కులు కొట్టేసింది నిధి. ఇక రాజాసాబ్ సంక్రాంతి కానుకగా రిలీజ్ కావడానికి సిద్దమవుతోంది. నిధి, రాజాసాబ్ పై ఎంతో నమ్మకాన్ని పెట్టుకుంది. మరి ఆ సినిమా అయినా హీరోయిన్ ని కాపాడుతుందో లేదో చూడాలి.
