By రజినీకాంత్ హీరోగా నెల్సన్ దిలీప్ కుమార్ దర్శకత్వంలో తెరకెక్కిన మాస్ యాక్షన్ ఎమోషనల్ ఎంటర్‌టైనర్ ‘జైలర్’ అద్భుత విజయాన్ని సాధించింది. ఇదిలా ఉంటే ఈ క్రైమ్‌ థ్రిల్లర్‌కు కొనసాగింపుగా జైలర్ 2 రాబోతున్న సంగతి తెలిసిందే. ప్రస్తుతం రామోజీ ఫిల్మ్ సిటీలో ఈ సినిమా చిత్రీకరణ శరవేగంగా జరుపుకుంటోంది. ఓ ప్రత్యేక సెట్‌లో ఈ సినిమా యాక్షన్ సీక్వెన్స్‌ను షూట్ చేస్తున్నారట. ఈ సీక్వెన్స్ కోసం కొన్ని స్పెషల్ స్టంట్స్ కూడా ప్లాన్ చేశారు. రజనీ డూప్‌పై ఈ స్టంట్స్‌ను షూట్ చేస్తున్నారు. కాగా ‘జైలర్ 2’లో కూడా తమన్నా, యోగిబాబు, వినాయకన్, రమ్యకృష్ణ తదితరులు కీలక పాత్రల్లో నటించబోతున్నారు. సన్ పిక్చర్స్ బ్యానర్‌పై కళానిధి మారన్ ఈ జైలర్ 2 ను కూడా గ్రాండ్‌గా నిర్మించబోతున్నారు. ప్రస్తుతం రజనీకాంత్‌ ‘కూలీ’ సినిమాతో బిజీగా ఉన్నారు. టైగర్‌ కా హుకూమ్‌ అంటూ ‘జైలర్’లో హంగామా చేసిన రజనీకాంత్‌, జైలర్ 2లో ఎలాంటి హంగామా చేస్తారో వేచి చూడాలి.
