By హీరోయిన్ నివేదా థామస్ తెలుగులో వైవిధ్య‌మైన సినిమాలతో ప్రేక్ష‌కుల‌ని ఎంత‌గానో అల‌రించింది. అయితే నివేదా థామస్ అద్భుత‌మైన న‌ట‌న‌కి ఆమెకి బెస్ట్ ఫిమేల్ లీడ్‌గా గ‌ద్ద‌ర్ అవార్డ్ ద‌క్కింది. 35 చిన్న కథ కాదు అనే సినిమాతో ఈ అవార్డ్ ద‌క్కించుకుంది నివేదా. అయితే అవార్డ్ కార్య‌క్ర‌మానికి హాజ‌రైన స‌మ‌యంలో నివేదా లుక్ అందరినీ ఆశ్చ‌ర్య‌ప‌రిచింది. ప్ర‌స్తుతం నివేదా థామస్‌కు సంబంధించిన ఫొటోలు నెట్టింట తెగ వైరల్ అయ్యాయి. ఆ ఫొటోలు చూసి ఎందుకామె అంత బరువు పెరిగిందంటూ అభిమానులు కంగారు పడుతున్నారు. 35 చిన్న కథ కాదు సినిమాలో తల్లి పాత్ర కోసమే నివేదా థామస్ అప్పట్లో బరువు పెరిగిందని, ఇక తగ్గడం కష్టంగా మారిందని అంటున్నారు. ఆ పాత్రకు తన బాడీ ట్రాన్స్ ఫార్మ్‌తో న్యాయం చేశానని కూడా గతంలో నివేదా బదులిచ్చింది. ఇక బరువు పెరగడానికి రీజన్ మాత్రం ఆ సినిమానే అని చెప్పుకొస్తున్నారు. మ‌రికొంద‌రు నివేదాకి థైరాయిడ్ స‌మ‌స్య ఉంద‌ని అందుకే అంత లావైంద‌ని అంటున్నారు. మ‌రి దీనిపై నివేదా ఏమైన స్పందిస్తుందా అనేది చూడాలి.
