By బాలీవుడ్ ఆదా శర్మ అందానికి ఫిదా కాని వారు లేరంటే అతిశ‌యోక్తి కాదు. అయితే ఇప్ప‌టివ‌ర‌కు ఆదా శ‌ర్మ‌కి స్టార్ స్టేట‌స్ ద‌క్క‌లేదు. 1920 అనే హర్రర్ సినిమాతో బాలీవుడ్ లోకి ఎంట్రీ ఇచ్చింది. అక్క‌డ అనేక సినిమాలు చేసింది. అనంత‌రం తెలుగులోకి హార్ట్ ఎటాక్ సినిమాతో ఎంట్రీ ఇచ్చింది. ఈ సినిమా అంత పెద్ద హిట్ కాక‌పోయిన ఆదా న‌ట‌న‌కి మంచి మార్కులు ప‌డ్డాయి. ఇక ఆ తర్వాత ప‌లు సినిమా అవ‌కాశాలు ద‌క్కించుకుంది. కోలీవుడ్, టాలీవుడ్, బాలీవుడ్ ఎక్కడ ఆఫర్ వచ్చినా వచ్చిన ప్రతి ఛాన్స్ మిస్ చేసుకోకుండా దూసుకుపోతోంది. అయితే ఆదాకి మంచి పేరు తెచ్చిన సినిమా కేరళ స్టోరీ. కేరళలో జరిగిన కొన్ని యదార్థ సంఘటనల ఆధారంగా ఈ సినిమాను తెరకెక్కించారు. ఈ సినిమాతో దేశమంతటా తనకంటూ ప్రత్యేక గుర్తింపును సొంతం చేసుకుంది. ఇందులో ఆదా నటనకు ప్రతి ఒక్కరూ ఫిదా అయిపోయారు. ఆదా తెలుగులోను వైవిధ్య‌మైన సినిమాలు చేసింది. సన్ ఆఫ్ సత్యమూర్తి, సుబ్రమణ్యం ఫర్ సేల్, గరం, క్షణం, కల్కి తదితర సినిమాల్లో హీరోయిన్‌గా, సెకెండ్ ఫిమేల్ లీడ్ రోల్స్ చేసి అల‌రించింది. తాజాగా ఆదా గాయాల‌తో కూడిన పిక్స్ షేర్ చేసింది. ఇది చూసిన నెటిజ‌న్స్ అవాక్క‌వుతున్నారు. ఎంతో అందంగా ఉండే ముఖం ఇలా అయిందేంటున్నారు.. అయితే అవి ఇప్పటి ఫొటోలు కావు.. ది కేరళ స్టోరీ సినిమా షూటింగ్ నాటి ఫొటోలు. ఈ మూవీ రిలీజై సోమవారం (మే05) నాటికి సరిగ్గా రెండేళ్లు గ‌డిచిపోవ‌డంతో అప్ప‌టి జ్ఞాప‌కాలు పంచుకుంది.
