By తమిళ హీరో దళపతి విజయ్ ప్రస్తుతం తన 69వ సినిమాలో నటిస్తున్నారు. హెచ్‌.వినోద్‌ దర్శకుడు. రాజకీయాల్లో క్రియాశీలక పాత్ర పోషించాలని నిర్ణయించుకోవడంతో తన కెరీర్‌లో ఇదే ఆఖరి సినిమా అని విజయ్ చెప్పారు. ఈ నెల 26న రిపబ్లిక్‌ డే సందర్భంగా ఫస్ట్‌లుక్‌ను విడుదల చేయబోతున్నామని నిర్మాతలు తెలిపారు. తాజా సమాచారం ప్రకారం ఈ సినిమాకి ‘నాలైయ తీర్పు’ (తెలుగులో ‘రేపటి తీర్పు’ అని అర్థం) అనే టైటిల్‌ను ఖరారు చేయబోతున్నారని తెలిసింది.
రాజకీయ రంగప్రవేశం చేస్తున్న దృష్ట్యా సింబాలిక్‌గా ఈ టైటిల్‌ బాగా సెట్‌ అవుతుందని విజయ్ అభిమానులు సోషల్‌ మీడియాలో కామెంట్‌ చేస్తున్నారు. దళపతి విజయ్ గతంలో చేసిన సామాజిక సేవా కార్యక్రమాలు, రాజకీయ పార్టీ స్థాపనకు దారితీసిన సంఘటనలను ప్రధానాంశాలుగా తీసుకుని ఈ సినిమాను తెరకెక్కిస్తున్నారని సమాచారం.
