By సినిమా అంటే ఇష్ట‌ప‌డే ప్ర‌తీ ఒక్క‌రికి సిల్క్ స్మిత డ్యాన్స్‌లు అంటే పడిచచ్చేవారున్నారు. 80ల‌లో అగ్ర‌హీరోల‌తో క‌లిసి న‌టించి త‌న హాట్ హాట్ అందాల‌తో ఇండ‌స్ట్రీని ఓ ఊపు ఊపింది. కైపెక్కించే క‌ళ్ల‌తో మత్తెక్కించే అందంతో కుర్ర‌కారు గుండెల్ని దోచేసింది. సిల్క్ స్మిత ఉందంటే చాలు ఆ సినిమాకు బాక్సాఫీస్ వ‌ద్ద క‌లెక్ష‌న్ల వ‌ర్షం కురవాల్సిందే. అయితే సిల్క్ జీవితాన్ని ఆధారంగా చేసుకుని పాన్‌ ఇండియా స్థాయిలో మరో బయోపిక్ వ‌స్తున్న విష‌యం తెలిసిందే. సిల్క్ స్మితది క్వీన్ ఆఫ్ ది సౌత్ అంటూ ఈ సినిమా రాబోతుండ‌గా.. చంద్రికా రవి సిల్క్ పాత్ర‌లో న‌టించ‌బోతోంది. ఈ చిత్రంతో జయరామ్‌ అనే కొత్త దర్శకుడు ఇండ‌స్ట్రీకి ప‌రిచయం అవుతున్నాడు. కాగా నేడు సిల్క్ స్మిత జయంతి. ఈ సంద‌ర్భంగా మూవీ నుంచి గ్లింప్స్‌ను విడుద‌ల చేశారు. ఈ గ్లింప్స్ చూస్తుంటే.. 80ల‌లో సిల్క్ స్మిత త‌న న‌ట‌న‌తో ఎంత పాపుల‌ర్ అయ్యిందో చూడ‌వ‌చ్చు. వ‌చ్చే ఏడాది ఈ సినిమా తెలుగుతో పాటు, త‌మిళం, మ‌ల‌యాళం, క‌న్న‌డ, హిందీ భాష‌ల్లో ప్రేక్ష‌కుల ముందుకు రానుంది.
