By కేవలం ఒక్క గ్లింప్స్‌తో ‘పెద్ది’ సినిమా గురించి ప్రపంచం మాట్లాడుకునేలా చేశారు దర్శకుడు బుచ్చిబాబు సానా. రెండు చేతులతో రామ్‌చరణ్‌ క్రికెట్‌ బ్యాట్‌ హ్యాండిల్‌ని బలంగా పట్టుకొని, ఫ్రంట్‌ కొచ్చి మరీ బంతిని బాదిన షాట్‌ ఏదైతే ఉందో.. ప్రస్తుతం ఆ షాట్‌ ప్రపంచవ్యాప్తంగా ఓ సంచలనం. కొందరైతే ఆ షాట్‌ని అనుకరిస్తూ ఇన్‌స్టాలో రీల్స్‌ కూడా చేస్తున్నారు. ‘పెద్ది’ గ్లింప్స్‌ దెబ్బ అలా ఉందన్నమాట. ప్రస్తుతం ఈ పాన్‌ ఇండియా సినిమాకోసం సినీప్రియులంతా ఆసక్తిగా ఎదురుచూస్తున్నారు. క్రీడా నేపథ్యంలో సాగే ఈ పీరియాడిక్‌ యాక్షన్‌ డ్రామాలో రామ్‌చరణ్‌ ఊరమాస్‌ అవతారంలో ప్రేక్షకుల్ని థ్రిల్‌ చేయనున్నారు. ఇప్పటికే ఈ సినిమా చాలావరకూ చిత్రీకరణ పూర్తిచేసుకుంది. నెక్ట్స్‌ షెడ్యూల్‌ని ఈ నెల 12 నుండి మేకర్స్‌ మొదలుపెట్టబోతున్నారు. ఢిల్లీలో జరిగే ఈ షెడ్యూల్‌లో కీలక సన్నివేశాలను చిత్రీకరిస్తారట. ఈ షెడ్యూల్‌లోనే రామ్‌చరణ్‌, జాన్వీకపూర్‌లపై కొన్ని రొమాంటిక్ సీన్స్‌ కూడా తీస్తారని సమాచారం. పనిలోపనిగా ఒకటి రెండు పాటల్ని కూడా షూట్‌ చేస్తారట. ఈ సినిమాకు ఇంకా 40 రోజుల షూటింగ్‌ మాత్రమే బ్యాలెన్స్‌ ఉంది.
