By హీరో నాని వ‌రుస సక్సెస్‌ల‌తో దూసుకుపోతున్నాడు. ఆయన నిర్మాత‌గా వ్య‌వ‌హ‌రించిన కోర్టు సినిమా మంచి విజ‌యం సాధించింది. ఇక న‌టుడిగా హిట్ 3తో పెద్ద స‌క్సెస్ సాధించాడు. ఇక ఇప్పుడు ది ప్యార‌డైజ్ అనే సినిమా చేస్తున్నాడు. ఈ సినిమాతో పెద్ద హిట్ కొడ‌తాడ‌ని భావిస్తున్నారు. శ్రీకాంత్ ఓదెల దర్శకత్వంలో రూపొందుతున్న ఈ సినిమాపై అభిమానులు భారీ అంచనాలే పెట్టుకున్నారు. రియలిస్టిక్ డ్రామాగా ఈ సినిమాతో స‌రికొత్త చ‌రిత్ర సృష్టిస్తాడ‌ని అంటున్నారు. అయితే లైన‌ప్ చాలా పెద్ద‌గానే ఉన్న‌ట్టు తెలుస్తోంది. నానీకి చాలాకాలం క్రితమే సుజీత్ దర్శకత్వంలో ఓ సినిమా చేయాల్సి ఉంది. అయితే సుజిత్‌.. పవన్ క‌ళ్యాణ్‌తో ఓజీ చేస్తుండ‌గా, ఈ ప్రాజెక్ట్ చాన్నాళ్లుగా పెండింగ్‌లో ఉంది. రాజకీయాల్లో పవన్ బిజీగా ఉండటంతో మధ్యలో షూటింగ్ నిలిచినా, రీసెంట్‌గా ఆయన డేట్స్ ఇచ్చి మరల సెట్స్ పైకి వచ్చారు. ఓజీ వచ్చే ఆగస్టు-సెప్టెంబర్‌లో విడుదల కానుంద‌ని తెలుస్తోంది. ఆ తర్వాత సుజీత్ పూర్తి స్థాయిలో నాని సినిమాపై ఫోకస్ పెట్టనున్నాడు. నాని రీసెంట్‌గా ఇచ్చిన ఇంటర్వ్యూలో ఈ సినిమా 2027లో రిలీజ్ అవుతుందని చెప్ప‌డం మ‌నం చూశాం. ఈ సినిమాకు బ్లడీ రోమియో అనే టైటిల్‌ను ఫిక్స్ చేశారని ఇప్పటికే ఫిల్మ్ నగర్‌లో గుసగుసలు వినిపిస్తున్నాయి.
