By ‘ఈ సినిమాలో చాలా మీనింగ్‌ ఫుల్‌ క్యారెక్టర్‌ చేశాను. ఇలాంటి పాత్ర కోసమే ఇన్నాళ్లూ వెయిట్‌ చేశా. కొత్త పాయింట్‌తో వస్తున్న సినిమా ఇది. ఔట్‌పుట్‌ అద్భుతంగా వచ్చింది. ఒక ఆడియన్‌గా ఈ సినిమా నాకు చాలా బాగా నచ్చింది.’ అని శ్రీదేవి విజయ్‌కుమార్‌ అన్నారు. నారా రోహిత్‌ హీరోగా రూపొందిన ఈ సినిమా ‘సుందరకాండ’. వెంకటేష్ నిమ్మలపూడి దర్శకత్వంలో సంతోష్‌ చిన్నపొల్ల, గౌతమ్‌రెడ్డి, రాకేష్‌ మహంకాళి నిర్మించిన ఈ సినిమా ఈ నెల 27న విడుదల కానుంది. ఈ సందర్భంగా ఇందులో హీరోయిన్లలో ఒకరైన శ్రీదేవి విజయ్‌కుమార్‌ సోమవారం హైదరాబాద్‌లో విలేకరులతో ముచ్చటించారు. ‘ఇన్నేళ్ల గ్యాప్‌ తర్వాత నన్నునేను స్క్రీన్‌మీద చూసుకోవడం ఎక్సైటింగ్‌గా అనిపించింది. ప్రభాస్‌కు జోడీగా నేను నటించిన ‘ఈశ్వర్‌’ సినిమా లాస్ట్‌ ఇయర్‌ రీ-రిలీజ్ అయింది. ఆ తర్వాత సంవత్సరం మళ్లీ నేను హీరోయిన్‌గా ఎంట్రీ ఇవ్వడం చాలా మంచి ఎక్స్‌పీరియన్స్‌.’ అంటూ ఆనందం వెలిబుచ్చారు శ్రీదేవి విజయ్‌కుమార్‌. డైరెక్టర్‌ ఈ కథ చెప్పగానే షాక్‌ అయ్యానని, ఇలాంటి పాత్ర చేయడం ఇదే ప్రథమమని, తన పాత్రలో డిఫరెంట్‌ ఎమోషన్స్‌ ఉంటాయని శ్రీదేవి చెప్పారు.
