By టాలీవుడ్ హీరో అక్కినేని వారసుడు అఖిల్ గత చిత్రం ‘ఏజెంట్’ ఆశించిన స్థాయిలో విజయం సాధించకపోవడంతో, తన తదుపరి సినిమాల విషయంలో అఖిల్ ప్రత్యేక శ్రద్ధ తీసుకుంటున్నాడు. ఈ క్రమంలోనే ఆయన ఒక కొత్త దర్శకుడితో సినిమా చేస్తున్నాడు. అఖిల్ ప్రధాన పాత్రలో నటిస్తున్న ఈ తాజా సినిమా పేరు ‘లెనిన్’. ఈ సినిమాకు మురళీ కిషోర్ అబ్బూరి దర్శకత్వం వహిస్తుండగా, అఖిల్ సొంత నిర్మాణ సంస్థ అన్నపూర్ణ స్టూడియోస్‌తో పాటు సితార ఎంటర్‌టైన్‌మెంట్స్ బ్యానర్‌లపై అక్కినేని నాగార్జున, నాగవంశీ సంయుక్తంగా నిర్మిస్తున్నారు. ఈ సినిమాకు సంబంధించి ఒక వార్త వైర‌ల్‌గా మారింది. ఈ సినిమాలో ఒక స్పెషల్ సాంగ్ ఉండ‌గా.. ఆ సాంగ్‌ని బాలీవుడ్ న‌టి అనన్య పాండేతో చేయిస్తే బాగుంటుంద‌ని చిత్ర‌బృందం అనుకుంటున్న‌ట్లు స‌మాచారం. కాగా దీనిపై అధికారికంగా ప్ర‌క‌టన రావాల్సి ఉంది. ఇక ఈ సినిమాలో శ్రీలీల హీరోయిన్‌గా నటిస్తుండగా, ఎస్. థమన్ సంగీతం అందిస్తున్నారు.
