By తాజాగా మరో హీరోయిన్‌ సైతం క్యాస్టింగ్‌ కౌచ్‌పై స్పందించింది. టాలీవుడ్‌లో తనకు ఎదురైన చేదు అనుభవం గురించి ప్రముఖ నటి సయామీ ఖేర్‌ కీలక విషయాలను బయటపెట్టింది. టాలీవుడ్‌కు చెందిన ఓ లేడి ఏజెంట్‌ అవకాశాల కోసం తనను ‘సర్దుకుపోవాలి’ అని చెప్పిందని తెలిపింది. తాను అలాంటి పనులకు దూరంగా ఉంటానని.. తనకు కొన్ని పరిమితులు ఉన్నాయంటూ తేల్చి చెప్పినట్లు చెప్పింది. సయామీ ఖేర్‌ 2015లో ‘రేయ్‌’ సినిమాతో టాలీవుడ్‌కు పరిచయమైంది. ఆ తర్వాత 2016లో మిర్జియాతో బాలీవుడ్‌కు పరిచయమైంది. ఆ తర్వాత మౌళి, చోక్డ్‌, వైల్డ్‌డాగ్‌, ఘూమర్‌ సినిమాలతో పాటు పలు వెబ్‌సిరీస్‌లలోనూ నటించింది. తాజాగా ఓ ఇంటర్వ్యూలో మాట్లాడుతూ ఇండస్ట్రీలో తనకు వచ్చిన అవకాశాలతో సంతృప్తిగానే ఉన్నట్లు చెప్పింది.
