By నాచురల్ స్టార్ నాని ఇపుడు తెలుగు సినిమా దగ్గర తన మార్కెట్ ని ఏ రేంజ్‌లో సెట్ చేసుకుని వెళుతున్నాడో ప్రత్యేకంగా చెప్పాల్సిన పని లేదు. మరి ఇలా ఈ మధ్య కాలంలో తన నుండి వచ్చిన చిత్రాల్లో “దసరా” ఒక భారీ హిట్‌గా నిలిచి తన కెరీర్లోనే కాకుండా మన మిడ్ రేంజ్ హీరోస్ సినిమాల్లో ఒక రికార్డు బ్రేకింగ్ ఓపెనింగ్స్‌ని అందుకుంది. అయితే ఇపుడు మళ్ళీ ఈ సినిమాని నాని మాత్రమే బ్రేక్ చేసి కొత్త రికార్డ్స్ సెట్ చేసుకున్నాడు. దసరా సినిమాకి వరల్డ్ వైడ్ మొదటి రోజు 38 కోట్లు గ్రాస్‌ని అందుకుంటే ఇప్పుడు హిట్ 3 కి మొదటి రోజు 43 కోట్లకి పైగా గ్రాస్‌ని అందుకుని సెన్సేషన్‌ని సెట్ చేసింది. దీంతో నాని కెరీర్లో ఇది ఆల్ టైం హయ్యస్ట్ రికార్డుగా నిలిచింది అని చెప్పాలి. ఇక ఈ వీకెండ్ నాటికి సినిమా ఈజీగా 150 కోట్ల దగ్గర మార్క్‌కి చేరుకున్నా కూడా ఎలాంటి ఆశ్చర్యం లేదని చెప్పొచ్చు. మరి మొత్తానికి అర్జున్ సర్కార్ కొట్టిన దెబ్బ మామూలుగా లేదని చెప్పాలి.
