By రామ్ చరణ్ – బుచ్చిబాబు కాంబోలో ‘పెద్ది’ గ్రామీణ నేపథ్యంలో సినిమాగా తీస్తున్నారు. క్రికెట్‌ బ్యాక్‌డ్రాప్‌లో సినిమాని తెర‌కెక్కిస్తున్న‌ట్టు స‌మాచారం. ఈ సినిమా శ‌ర‌వేగంగా షూటింగ్ జ‌రుపుకుంటోంది. తాజాగా ఈ సినిమా షూటింగ్ హైద‌రాబాద్‌లో జ‌రుగుతుంది. ఇండియ‌న్ సినిమా ఇండ‌స్ట్రీలో ఇప్ప‌టివ‌ర‌కు ప్ర‌య‌త్నించ‌ని సాహసోపేత‌మైన యాక్ష‌న్ స‌న్నివేశాల‌ని ప్ర‌త్యేకంగా వేసిన రైలు సెట్‌లో చిత్రీక‌రించ‌నున్నార‌ట. ఈ హై ఆక్టేన్ యాక్ష‌న్ సీన్స్ న‌వ‌కాంత్ మాస్ట‌ర్ సారధ్యంలో రూపొంద‌నున్న‌ట్టు స‌మాచారం. ఈ నెల 19 వ‌ర‌కు ఆ సెట్‌లోనే స‌న్నివేశాలు చిత్రీక‌రించ‌నున్నట్టు తెలుస్తోంది. ఈ సినిమాలో జాన్వీ కపూర్, శివరాజ్ కుమార్, జగపతిబాబు, దివ్యేంద్రూ శర్మ తదితరులు కీలక పాత్రల్లో నటిస్తున్నారు. ఎ.ఆర్. రెహమాన్ సంగీతం అందిస్తున్నారు. ఈ సినిమా కోసం ప్రత్యేకమైన లుక్‌లో కనిపిస్తున్నారు, ఇది ప్రేక్షకులను ఎంత‌గానో ఆక‌ట్టుకోనుంది. పొడవాటి జుట్టు, ముదురు గడ్డం, ముక్కుపుడకతో పక్కా రఫ్ అండ్ రస్టిక్ లుక్‌లో కనిపించబోతున్నారు. సినిమా 2026 మార్చి 27న విడుదలకు సిద్ధంగా ఉంది. ఈ సినిమా రామ్ చరణ్ 41వ పుట్టినరోజు సందర్భంగా రిలీజ్ చేస్తున్నారు. తెలుగు, హిందీ, తమిళ, కన్నడ, మలయాళ భాషల్లో విడుదల కానుంది.
